The Signal Loyalty and Devotion of Gods Saints, Part 2 · Chapter 8 · Floating text 2 · Document · Part 4 – Part 8
Praefatio.
Vere dignum,Gen. 14. Exod. 17. 1 Reg. 16. 3 Reg. 3. &c. uſque Deus. Creator omnium, imperator Angelorum, Rex regnantium, Dominus dominantium, qui Abraham fidelem famulum tuum de hoſtibus triumphare feciſti, Moyſi et Joſue populo praelatis multiplicem victoriam tribuiſti, humilemque David puerum tuum regni faſtigio ſublimaſti, et Salomonem ſapientiae paciſque ineffabili munere ditaſti: reſpice quaeſumus ad preces humilitatis noſtrae, et ſuper hunc famulum tuum N. quem ſupplici devotione in regem …elegimus, benedictionum tuarum dona in eo multiplica: eumque dextera tuae potentiae ſemper et ubique circunda, quatenus praedicti Abrahae fidelitate firmatus, Moyſis manſuetudine fretus, Joſue fortitudine munitus, Davidis humilitate exaltatus, Salomonis ſapientia decoratus, tibi in omnibus placeat, et per tramitem juſtitiae inoffenſo ingreſſu ſemper incedat. Eccleſiam ergo tuam deinceps cum plebibus ſibi annexis ita enutriat et inſtruat, contraque omnes viſibiles et inviſibiles hoſtes eidem potenter regaliterque tuae virtutis regimen adminiſtret, et ad verae ſidei paciſque concordiam, eorum animos, te opitulante, reformet: ut horum populorum debita ſubjectione fultus, cum digno amore glorificatus, ad paternum decenter ſolium tua miſeratione conſcendere mereatur. Tuae quoque protectionis galea munitus, & ſcuto inſuperabili jugiter protectus, armiſque coeleſtibus circundatus, optabilis victoriae triumphum feliciter capiat, terroremque ſuae potentiae infidelibus inferat, & pacem tibi militantibus laetanter reportet, Per Dominum noſtrum qui virtute crucis tartara deſtruxit, regnoque diaboli ſuperato, ad coelos victor aſcendit, in quo poteſtas omnis, regumque conſiſtit victoria, qui eſt gloria humilium, & vita ſaluſque populorum, qui tecum vivit & regnat Deus. ſ. Dei filius Jeſus Chriſtus Dominus noſter, qui à Patre oleo exultationis unctus eſt prae particibus ſuis, ipſe per praeſentem ſacri unguinis infuſionem, Spiritus paraclyti ſuper caput tuum infundat benedictonem, eandemque ad interiora cordis tui penetrare faciat, quatenus hoc viſibili & tractabili dono inviſibilia percipere, & temporali regno juſtis moderaminibus executo, aeternaliter cum eo regnare merearis: qui ſolus ſine peccato Rex regum, vivit & gloriatur, cum Deo patre in unitate ejuſdem Spiritus ſancti Deus.
Poſtea ab Epiſcopis enſem accipiat, & cum enſe totum regnum ſibi fideliter ad regendum ſciat commendatum, & dicatur: Accipe gladium per manus Epiſcoporum licet indignas, vice tamen & auctoritate ſanctorum Apoſtolorum conſecratas, tibi regaliter impoſitum, noſti aeque benedictionis officio in defenſionem ſanctae Dei Eccleſiae divinitus ordinatum. Et eſto memor, de quo Pſalmiſta prophetavit,Pſal. 44. dicens: Accingere gladio tuo ſuper femur tuum potentiſsime, ut in hoc per eundem vim aequitatis exerceas, molem iniquitatis potenter deſtruas, & ſanctam Dei Eccleſiam ejuſque fideles propugnes ac protegas, nec minus ſub fide falſos, quam Chriſtiani nominis hoſtes execres ac deſtruas viduas & pupillos clementer adjuves, ac defendas, deſolata reſtaures, reſtaurata conſerves, ulciſcaris injuſta, confirmes benè diſpoſita, quatenus haec in agendo, virtutum triumpho glorioſus, juſtitiaeque cultor egregius, cum mundi ſalvatore, cujus typum geris in nomine, ſine fine merearis regnare. Qui cum Patre & Spiritu ſancto vivit et regnat.
Accinctus autem enſe, ſimiliter ab illis armillas & pallium et annulum accipiat, dicente Metropolitano.
Accipe regiae dignitatis annulum, et per hunc in te Catholicae fidei cognoſce ſignaculum, quia ut hodie ordinaris caput et princeps regni ac populi, ita perſeverabis auctor ac ſtabilitor Chriſtianitatis, et Chriſtianae fidei, ut felix in opere, locuples in fide, cum Rege regum glorieris per aevum, cui eſt honor et gloria per infinita.
Poſtea ſceptrum & baculum accipiat, dicente ſibi ordinatore.
Accipe virgam virtutis atque aequitatis, quia intelligas mulcere pios, et terrere reprobos, errantibus viam pandere, lapſis manum porrigere, diſperdaſque ſuperbos, et releves humiles, et aperiat tibi oſtium Jeſus Chriſtus Dominus noſter qui de ſeipſo ait,Joan. 10. Ego ſum oſtium: per me ſi quis introierit, ſalvabitur. Et ipſe qui eſt clavis David, & ſceptrum domus Iſrael: qui aperit, & nemo claudit, claudit & nemo aperit. Sitque tibi auctor, qui educit vinctos de domo carceris, ſedentemque in tenebris, et umbra mortis, et in omnibus ſequi merearis eum, de quo David propheta cecinit,Pſal. 44. Sedes tua Deus in ſeculum ſeculi, virga aequitatis, virga regni tui, et imitando ipſum, diligas juſtitiam, et odio habeas iniquitatem: quia propterea unxit te Deus tuus, ad exemplum illius, quem ante ſecula unxerat oleo exultationis prae participibus ſuis, Jeſum Dominum noſtrum
Poſtea Metropolitanus reverenter Coronam capiti Regis imponat, dicens: Accipe coronam regni, quae li…t ab indignis Epiſcoporum tamen manibus capiti tuo imponitur, eamque ſanctitatis gloriam et honorem, et opus fortitudinis expreſsè ſignare intelligas, et per hanc te participem miniſterii noſtri non ignores, ita ut ſicut nos in interioribus paſtores, rectoreſque animarum intelligimur, tu quoque in exterioribus verus Dei cultor, ſtrenuuſque contra omnes adverſitates Eccleſiae Chriſti defenſor, regnique tibi à Deo dati, et per officium noſtrae benedictionis vice Apoſtolorum omniumque ſanctorum tuorum regimine commiſſi, utilis executor, regnatorque proficuus ſemper appareas, ut inter glorioſos athletas virtutum gemmis ornatus, et praemio ſempiternae felicitatis coronatus, cum redemptore ac ſalvatore Jeſu Chriſto, cujus nomen vicemque geſtare crederis, ſine fine glorieris, qui vivit et imperat Deus, cum Deo patre in unitate Spiritus ſancti, per omnia ſecula ſeculorum. Amen. Et ab eo ſtatim dicatur benedictio ſuper eum, quae et tempore ſynodi ſuper regem dicenda eſt: Benedicat tibi Dominus, cuſtodiatque te, et ſicut te voluit ſuper populum ſuum eſſe regem, ita in praeſenti ſeculo felicem et aeternae felicitatis tribuat eſſe conſortem. Amen.
Clerum ae populum, quem ſua voluit opitulatione in tua ſanctione congregari, ſua diſpenſatione et tua adminiſtratione, per diuturna tempora faciat feliciter gubernari. Amen.
Quatenus divinis monitis parentes, adverſitatibus carentes, bonis omnibus exuberantes, tuo Imperio fideli amore obſequentes, et in praeſenti ſeculo tranquillitate fruatur, et tecum aeternorum civium conſortio potiri mereantur. Quod ipſe praeſtare dignetur, cujus regnum et imperium ſine fine permanet in ſecula ſeculorum. Benedictio Dei Patris et Filii, et Spiritus ſancti, deſcendat ſuper te. Amen.
Deinde coronatus, honorificè per chorum ducatur de altari ab Epiſcopis uſque ad ſolium, canente clero: Reſp. Deſiderium animae ejus tribuiſti ei Domine. Deinde dicit ſibi dominus Metropolitanus.Nota. Sta, et tene amodo locum, quem hucuſque paterna ſucceſſione tenuiſti, haereditario jure tibi delegatum per auctoritatem Dei omnipotentis, et praeſentem traditionem noſtram, ſcilicet omnium Epiſcoporum caeterorumque ſervorum Dei. Et quanto clerum ſacris altaribus propinquiorem perſpicis, tanto ei potiorem in locis congrius honorem impendere memineris, quatenus mediator Dei et hominum, te mediatorem cle i et plebis, (Hoc in loco dominus Metropolitanus ſedere eum faciat ſuper ſedem, dicendo:) in hoc regni ſolio confirmet & in regno aeterno ſecum regnare faciat Jeſus Chriſtus Dominus noſter, Rex regum, & Dominus dominantium, quicum Deo Patre et Spiritu ſancto vivit et regnat in ſecula ſeculorum, Reſpon. Amen.
Poſt haec det illi oſcula pacis. Cunctus autem coetus clericorum tali rectore gratulans, ſonantibus campanis, hymnum alta voce concinant, Te Deumlaudamus. Tunc Epiſcopus Metropolitanus Miſſam celebret plena proceſſione.
Incipit Benedictio Reginae in ingreſſu Eccleſiae.
OMnipotens aeterne Deus, fons & origo totius bonitatis, qui foeminei ſexus fragilitatem, nequaquam reprobando averſaris, ſed dignanter comprobando potius eligis, & qui infirma mundi eligendo, fortia quaeque confuudere decreviſti, quique etiam gloriae virtutiſque tuae triumphum in manu Judith foeminae olim Judaicae plebi de hoſte ſaeviſſimo reſignare voluiſti: reſpice quaeſumus ad preces humilitatis noſtrae,Judith 13. & ſuper hanc famulam tuam N. quam ſupplici devotione in Reginam elegimus, benedictionum tuarum dona multiplica, eamque dextera tuae potentiae ſemper & ubique circunda, ut ambone muniminis tui undique firmiter protecta, viſibilis ſeu inviſibilis hoſtis nequitias triumphaliter expugnare valeat, & una cum Sara, atque Rebecca, Lia, & Rachel, beatis reverendiſque foeminis, fructu uteriſui foecundari ſeu gratulari mereatur, ad decorem totius regni, ſtatumque ſanctae Dei Eccleſiae regendum, necnon protegendum per Christum Dominum nostrum, qui ex intemerato beatae Mariae Virginis alvo naſci, viſitare ac renovare hunc dignatus eſt mundum, qui tecum vivit & gloriatur, Deus in unitatc Spiritus ſancti per immortalia ſecula ſeculorum.
Item benedictio ejuſdem ante altare.
Deus qui ſolus habes immortalitatem, lucemque habitas inacceſſibilem, cujus providentia in ſui diſpoſitione non fallitur, qui feciſti quae ventura ſunt, & vocas ea quae non ſuut, tanquam ea quae ſunt: qui ſuperbos aequo moderamine de principatu dejicis, atque humiles dignanter in ſublime provehis, ineffabilem miſericordiam tuam ſupplices rogamus, ut ſicut Heſter reginam, Iſraelis cauſa ſalutis, de captivitatis ſuae compede ſolutam, ad regis Aſſueri thalamum, regnique ſui conſortium tranſire feciſti, ita hanc famulam tuam N. humilitatis noſtrae benedictione Chriſtianae plebis gratia ſalutis, ad dignam ſublimemque regis noſtri copulam, regnique ſui participium miſericorditer tranſire concedas: & ut in regalis foedere conjugii ſemper manens pudica, proximam virginitati palmam obtinerc queat, tibique Deo vivo & vero in omnibus & ſuper omnia jugiter placere deſideret, & te inſpirante, quae placita ſunt toto corde perficiat. Per.
Sacri unctio olei.
Spiritus ſancti gratia, humilitatis nostrae officio, in re copioſa deſcendat, ut ſicut manibus nostris indignis, oleo materiali oblita pingueſcis exterius, ita ejus inviſibili unguine delibut a, impinguari merearis interius: ejuſque ſpirituali unctione perfectiſſime ſemper imbuta, & illicita declinare tota mente & ſpernere diſcas ſeu paleas, & utilia animae tuae jugiter cogitare, optare, atque operari queas, auxiliante Domino noſtro Jeſu Chriſto, qui cum Deo patre, & eodem Spiritu ſancto vivit & regnat Deus in ſecula ſeculorum.
Coronae poſitio.
Officio indignitatis noſtrae ſeu congregationis, in Reginam benedicta, aceipe coronam regalis excellentiae: quae licet ab indignis, Epiſcoporum tamen manibus capiti tuo imponitur, undè velut exterius auro & gemmis redimita enites, ita & interius auro ſapientiae, virtutumque gemmis decorari contendas: quatenus poſt occaſum hujus ſeculi cum prudentibus virginibus ſponſo perenni Deo noſtro Jeſu Christo digne & laudabiliter occurrens, Regiam coeleſtis aulae merearis ingredi, qui cum Deo Patre, & Spiritu ſancto vivit & regnat Deus, per infinita ſecula ſeculorum. Amen.
To theſe I ſhall ſubjoyn the Prayers for and Benedictions of Chriſtian Kings and Queens at their Coronation, in Pontificale Romanum Clementis▪ VIII. Pontif. Max. juſſ… Reſtitutum atque Editum, Antuerpiae 1627. fol 163. &c.