The Signal Loyalty and Devotion of Gods Saints, Part 2 · Chapter 8 · Floating text 2 · Document · Part 1 – Part 3
Deinde ab alio Epiſcopo haec dicatur Oratio.
Deus inenarrabilis auctor mundi, conditor generis humani, gubernator Imperii, confirmator regni, qui ex utero fidelis amici…tui patriarchae noſtri Abrahae Praeelegiſti regem ſeculis profuturum, tu praeſentem Regem hunc ill. cum exercitu ſuo per interceſſionem omnium ſanctorum ubere benedictione locupleta, & in ſolium regni firma ſtabilitate connecte.Exod. 3. & 17. Judic. 7. 1 Reg. 3. Viſita eum ſicut Moyſen in rubo, Jeſum Nave in praelio, Gedeon in agro, Samuelem in templo, Et in illa eum benedictione ſidera, ac ſapientiae tuae rore profunde, quam B. David in pſalterio, Salomon filius, te remunerante, percepit è coelo. Sis ei contra acies inimicorum lorica, in adverſis galea, in proſperis patientia, in protectione clypeus ſempiternus, & praeſta, ut gentes illi teneant fidem, proceres ſui habeant pacem, diligant charitatem, abſtineant ſe à cupiditate, loquantur juſtitiam, cuſtodiant veritatem. Et ita populus iſte pullulet, coalitus benedictione aeternitatis, ut ſemper maneant tripudiantes in pace victores. Quod ipſe praeſtare dignetur qui tecum vivit.
Tunc Dominus Metropolitanus ungat de oleo ſanctificato caput, pectus, & ſcapulas, ambaſque compages brachiorum ipſius ita dicendo: Ʋngo te in Regem de oleo ſanctificato in nomine Patris, & Filii, & Spiritus ſancti. Et dicant, Ame.1 Reg. 1. 6. Pax tibi. Et cum ſpiritu tuo. Deinde ungat ſibi manus de oleo ſanctificato ita dicendo: Ʋngantur manus iſtae de oleo ſanctificato unde uncti fuerunt reges & prophet…, & ſicut unxit Samuel David in regem ut ſis benedictus, & constititus Rex in regno isto ſuper populum istum, quem Dominus Deus tuus dedit tibi adregendum ac gubernandum. Quod ipſe praeſt.
Sequitur.
Proſpice, omnipotens Deus, ſerenis obtutibus hunc glorioſum regem, et ſicut benedixiſti Abraham, Iſaac, et Jacob, ſic illum largis benedictionibus ſpiritualis gratiae cum omni plenitudine tuae potentiae irrigare atque perfundere dignare. Tribue ei de rore coeli, & de pinguedine terrae abundantiam frumenti, vini & olei, & omnium frugum opulentiam ex largitate divini muneris longa per tempora, ut illo regnante, ſit ſanitas corporum in patria, & pax inviolata ſit in regno, & dignitas glorioſa regalis palatii maximo ſplendore regiae poteſtatis oculis o…nium fulgeat, luce clariſſima clareſcat, atque ſplendere quaſi ſplendidi…ima fulgura, maximo perfuſa lumine videatur. Tribue ei omnipotens Deus, ut fit fortiſsimus protector patriae, & conſolator eccleſiarum, atque coenobiorum ſanctorum maxima cum pietate regalis munificentiae, atque ut ſit fortiſsimus regum, triumphator hoſtium, ad opprimendas rebelles & paganas nationes. Sitque ſuis inimicis ſatis terribilis prae maxima fortitudine regalis potentiae Optimatibus quoque atque praecelſis, proceribuſque at ſidelibus ſui regni ſit magnificus & amabilis et pius, ut ab omnibus timeatur, atque diligatur. Reges quoque de lumbis ejus per ſucceſſiones temporum futurorum egrediantur regnum hoc regere totum, et poſt glorioſa tempora, atque felicia praeſentis vitae gaudia ſempiterna in perpetua beatitudine habere mereatur. Quod ipſe praeſtare, Spiritus ſancti gratia, humilitatis noſtrae officio in te copioſa deſcendat, ut ſicut manibus noſtris indignis oleo materiali oblitus, pingueſcis exterius, ita ejus inviſibili unguine delibutus impinguari merearis interius, ejuſque ſpirituali unctione perfectiſſimè ſemper imbutus, & illicita declinare tota mente & ſpeinere diſcas ſeu valeas, & utilia animaetuae jugiter cogitare, optare, atque operare queas, Auxiliante Domino noſtro Jeſu Chriſto, Qui cum Deo Patre & eodem Spirituſ. &c.
ALIA.
Deus qui es juſtorum gloria & miſericordia peccatorum qui miſiſti filium tuum precioſiſſimo ſanguine fuogenus humanum redimere, qui conteris bella, et propugnator es in te ſperantium, et ſub cujus arbitrio omnium regnorum continetur poteſtas, te humiliter deprecamur, ut praeſentem famulum tuum N. in tua miſericordia confidentem benedicas, eique propitius adeſſe digneris, ut qui tua expetit protectione defendi, omnibus ſit hoſtibus fortior. Fac eum Domine beatum eſſe et victorem de inimicis ſuis: corona eum corona juſtitiae et pietatis, ut ex toto corde et tota mente in te credens tibi deſerviat, ſanctam tuam Eccleſiam defendat et ſublimet: populumque à te ſibi commiſſum juſtè regat, nullus inſidiantibus malis eum in injuſtitiam vertat. Accende Domine cor ejus ad amorem gratiae tuae per hoc unctionis oleum, unde unxiſti Sacerdotes, reges, et prophetas, quatenus juſtitiam diligens per tramitem ſimiliter juſtitiae populum ducens, poſt peracta à te diſpoſita in regali excellentia annorum curricula, pervenire ad aeterna gaudia mereatur. Per eundem Dominum.
Per omnia ſecula ſeculorum. Reſp. Amen. Dominus vobiſcum. Reſp. Et cum Spiritu tuo. Surſum corda. Reſp. Habemus ad Dominum. Gratias agamus Domino Deo noſtro. Reſpon. Dignum & juſtum eſt.