The Signal Loyalty and Devotion of Gods Saints, Part 2 · Chapter 8 · Floating text 2 · Document · Part 21 – Part 22
Oremus.
OMnipotens ſempiterne Deus, hanc famulam tuam N. coeleſti benedictione ſanctifica, quam in adjutorium Regni Reginam eligimus; tua ubique ſapientia doceat, & comfortet, atque Eccleſia tua fidelem famulam ſemper agnoſcat. Per eundem Dominum noſtrum Jeſum Chriſtum filium tuum, qui tecum vivit & regnat in unitate Spiritus ſancti Deus.
Deinde, extenſis manibus ante pectus, dicit:
Per omnia ſaecula ſaeculorum. R. Amen. V. Dominus vobiſcum. R. Et cum Spiritu tuo. V. Surſum corda. R. Habemus ad Dominum. V. Gratias agamus Domino Deo noſtro. R. Dignum & juſtum eſt. Verè dignum & juſtum eſt, aequum & ſalutare, nos tibi ſemper & ubique gratias agere▪ Domine ſancte, Pater omnipotens, aeterne Deus: Honorum cunctorum auctor ac diſtributor, benedictionumque omnium largus infuſor, tribue ſuper hanc famulam tuam Reginam benedictionis tuae copiam; & quam humana electio ſibi praeeſſe gaudet, tua ſupernae electionis & benedictionis infuſio accumulet. Concede ei, Domine, auctoritatem regiminis, conſilii magnitudinem, ſapientiae, prudentiae, & intellectus abundantiam religionis ac pietatis cuſtodiam; quatenus mereatur benedici & augmentari in nomine, ut Sara; viſitari & faecunda…i, ut Rebecca; contra omnium muni…i vitiorum monſtra, ut Judith; in regimine Regni eligi, ut Eſther. Ut, quam humana nititur fragilitas benedicere, coeleſtis potius intimi …oris repleat infuſio. Et quae à nobis eligitur & benedicitur in Reginam, à te mereatur obtinere praemium aeternitatis perpetuae. Et ſicut ab hominibus ſublimatur in nomine, ita à te ſublimetur fide & operatione. Illo etiam ſapientiae tuae eam ro… eperfunde, quem beatus David in repromiſſine & filius ejus Salomon percepit in locupletatione. Sis ei, Domine, contra cunctorum ictus inimicorum lorica; in adverſis galea; in proſperis ſapientia; in protectione clypeus ſempiternus. Sequatur pacem, diligat charitatem, abſtineat ſe ab omni impietate; loquatur juſtitiam, cuſtodiat veritatem; ſit cultrix juſtitiae et pietatis, amatrix religionis. Vigeatque praeſenti benedictione in hoc aevo annis plurimis, & in ſempiterno ſine fine aeternis.
Quod ſequitur, dicit planè legendo; ita tamen, quòd à circumſtantibus audiatur.
Per Dominum noſtrum Jeſum Chriſtum filium tuum, qui tecum vivit & regnat in unitate Spiritus ſancti Deus, per omnia ſaecula ſaeculorum. R. Amen.
Qua Praefatione expleta, ſedet Metropolitanus; et accepta mitra, inungit in modum Crucis cum oleo Cate huminorum illius brachium dexterum, inter juncturam manus, et juncturam cubiti, atque inter ſcapulas, dic…s:
DEus Pater aetern… gloriae ſit tibi adjutor, & Omnipotens benedicat tibi, preces tuas exaudiat; vitam tuam longitudine dierum adimpleat; benedictionem tuam jugiter confirmet; te cum omni populo in aeternum conſervet; inimicos tuos confuſione induat; et ſuper te Chriſti ſanctificatio, atque hujus olei infuſio floreat: ut, qui tibi in terris tribuit benedictionem, ipſe in coelis conferat meritum Angelorum; ac benedicat te, et cuſtodiat in vitam aeternam Jeſus Chriſtus Dominus noſter, qui vivit & regnat Deus, in ſaecula ſaeculorum. R. Amen.
Quo facto, ſurgit Regina, et à ſuis ducitur ad ſacriſtiam, ſeu papilionem, ubi Rex Regales veſtes indutus eſt; ibi et ipſa induitur veſtibus Reginalibus, quibus induta reducitur ad Metropolitanum adhuc cum mitra in faldiſtorio ſedentem, qui imponit illi ante genuflexae coronam, dicens:
ACcipe Coronam gloriae, ut ſcias te eſſe con…ortem Regni, populoque Dei ſemper proſperé conſulas; et quantò plus exaltaris, tantò amplius humilitatem diligas, et cuſtodias, in Chriſto Jeſu Domino noſtro.
Et mox da… ei ſceptrum, dicens:
ACcipe virgam virtutis ac veritatis, et eſto pauperibus miſericors, et affabilis; viduis, pupillis, & orphanis, diligentiſſimam curam exhibeas; ut omnipotens Deus augeat tibi gratiam ſuam, qui vivit et regnat in ſaecula ſaeculorum. R. Amen.
Quo facto, ſurgit Regina; & Epiſcopi parati, qui ipſam ad altare deduxerunt, eam aſſociant uſque ad ſuum thalamum, ubi ſedet in ſolio ſuo, matronis ejus ipſam comitantibus: deinde dicitur Alleluia, ſive ultimus verſus Tractus, vel Sequentiae, Evangelium, & Offertorium. Quo dicto, Regina cum Rege à ſuis tantùm aſſociati, vadunt ad offerendum Metropolitano in faldiſtorio ante medium altaris ſedenti, de auro quantum volunt, & manum Metropolitani recipientis oſculantur: deinde revertuutur ambo ad thalamum ſuum, et proceditur in Miſsa uſque ad Communionem. Data pace Regi et Reginae per primum ex Praelatis paratis, cum instrumento ad hoc ordinato; Rex et Regina à ſuis tantùm aſſociati deſcendunt de thalamis, et veniunt ad altare, ubi in ſupremo gradu genuflectunt: et percepta Communione, Metropolitanus ponit ambas hoſtias conſecratas ſuper patenam, et converſus ad Regem et Reginam, eos communicat.
Rex, priuſquam Communionem ſumat, oſculatur manum dexteram Metropolitani; cum ſimili modo communicat Reginam, quae ſimiliter ejus manum oſculatur: et ſucceſſivè ambos ex calice ſuo purificat; qui purificati ad thalamos ſuos revertuntur, eo ordine quo venerunt. Metropolitanus verò ablutionem ſumit; et accepta mitra, lavat manus, perficitque Miſſam, et in fine dat Benedictionem ſolemnem. Qua data Rex et Regina vadunt ad palatium ſuum; et Metropolitanus atque alii Praelati omnes deponunt veſtes ſacras, et ad proprie quiſque revertitur.
De Benedicione et Coronatione Reginae ſolius.
SI Rege …am pridem coronato, Regina ſola, ut Conjux illius, coronanda ſit▪ parantur duo thalami, et alius locus, in quo Regina à principio Officii uſque ad tempus corona…ionis expectat. Vocantur omnes Praelati Regni, atque omnia alia fiunt, quae ſupra pro coronatione Regis ordinata ſunt. Die autem ſtatuto, Metropolitano et Praelatis in Eccleſia conſtitutis, et ſe veſtientibus, Rex veſtibus Regalibus indutus cum …orona in capite, et ſceptro in manu, enſe praecedente, à ſuis aſſociatus venit ad Eccleſiam, et aſcendit thalamum ſuum; et Metropolitano ac Praelatis omnibus paratis incipitur Miſſa more ſolito▪ et continuatur uſque ad Alleluia, ſive ultimum verſum Tractus, vel Sequentiae, excluſivè. Tunc Rex coronam et ſceptrum ſerens deſcendit de thalamo ſuo; et Metropolitono in faldiſtorio ante altare tum mitra ſedente, ſtans, detecto capite, petit ab eo Reginam benedici, et coronari, ſub his verbis:
REverendiſſime Pater, poſtulamus ut conſortem noſtram nobis à Deo conjunctam benedicere, et corona Reginali decorare dignemini, ad laudem et gloriam Salvatoris noſtri Jeſu Chriſti.
Deinde ad thalamum ſuum rever…itur: et Regina, quae uſque tunc in aliquo loco ad partem in Eccleſia ſteterat, à duobus Prioribus Praelatis paratis, crine ſoluto, et capite velato, ducitur ad Metropolitanum ante altare ſedentem; et facta ei reverentia coram eo genuflectit, et ejus manum oſculatur. Tunc ſurgit Metropolitanus, et cum mitra procumbit ſupra faldiſtorium. Regina verò ad ejus ſiniſtram ſe in terram proſternit, et inchoantur Litaniae, et perficiuntur, atque omnia alia fiunt, quae ſuprà in coronatione Reginae dicta ſunt, uſque ad Offertorium; ad quod poterit Rex cum Regina procedere, vel Regina ſola, prout Regi placebit. Facta Communione per Metropolitanum, communicatur Regina. Deinde perficitur Miſſa, et in fine Metropolitanus dat Benedictionem ſolemnem, &c.