Vindication of Ecclesiastical Volume 3, Volume 2 · Book · Chapter 2 · Document 388
IN Nomine Domini Jeſu Chriſti Amen. Anno Nativitatis ejuſdem Milleſſimo Ducenteſſimo Quinquageſſimo quarto. Indictione duodecima, menſis Maii die Sextadecima, Pontificatus Domini Innocentii Papae quarti, Anno undecimo, in praeſentia mei Morborii Scovarii & Teſtium ſubſcriptorum, ad hoc ſpecialiter vocatorum & rogatorum▪ Dominus Guido de Poſitione Archidiaconus Lugduni, Nuncius & procurator Illuſtris viri Domini H. Dei gratiâ Regis Angliae, Domini Hybernia, Ducis Normaniae & Aquitaniae. & Comitis Andegaviae, apud ſedem Apoſtolicam conſtitutus, habens à dicto Domino Rege Mandatum de mutuo contrahendo uſque ad ſummam Trecentarum Marcarum Sterlingorum novorum, prout in Literis Domini Regis exinde confectis plenius continetur; Confeſſus eſt & recognovit ſe pro negotiis dicti Domini Regis ac neceſſariis utilitatibus apud eandem ſedem Apoſtolicam promovendis & expediendis, mutuo recipiſſe & habuiſſe à Bonifacio Bonſignoris, & Bonaventura Bernardini, mutuantibus & ſolventibus, tàm pro ſe, quàm pro Bernardino Proſperi…i Aldebrando, Hildebrandi, Civibus & Mercatoribus Senen. trecentas Marcas bonorum novorū legalium ſterlingorum, tredecim ſolidis & quatuor ſterlingis pro Marca qualibet computatis, de quibus dictus procurator procuratorum nomine ſe bene quietum & pacatum vocavit, exceptioni non numeratae & non ſolutae ſibi pecuniae omnino renunciando. Quas praetaxatas Trecentas Marcas ſterlingorum ipſis vel uni eorum, aut ipſorum Nuncio praeſens publicum inſtrumentum deferenti & reſtituenti, in feſto beati Michaelis proximo futuro London. apud ſcaccarium Regis per legitimam ſtipulationem, promiſit dictus procurator procuratorio nomine, jam dictum Dominum Regem plenè ſoluturum & integrè redditurum. Quod ſi in dictis loco & termino praedicta pecunia ipſis, ut dictum non fuerit integrè perſoluta, extunc in antea ſtipulatione praedicta promiſit eis dictus procurator procuratorio nomine, pro damnorum & intereſſe recompenſatione, perſolvere per ſingulos duos menſes pro ſingulis decem Marcis praedictis, unam Marcam ipſorum ſterlingorum, & expenſas unius Mercatoris, cum uno equo & uno ſervienter ubicunque fuerit uſque ad plenam totius dictae pecuniae ſolutionem▪ quam praedictam recompenſationem dampnorum, expenſarum & intereſſe antedictis Mercatoribus promiſit in ſortē dicti debiti nominatus procurator procuratorio nomine nullatenus computare, ac non detinere memoratum debitum contra ipſorum Mercatorum voluntatem, ſub praeceptore compenſationis praedictae ultra terminum praelibatum. Pro quibus omnibus & ſingulis ſupradictis firmiter obſervandis & plenarie adimplendis, memoratus procurator procuratorio nomine jam dictum dominum Regem & ſucceſſores ſuos praedictis Mercatoribus principales conſtituit debitores & pacatores; ipſum Dominū Regem cum omnibus bonis ſuis mobilibus & immobilibus praeſentibus & futuris, eiſdem Mercatoribus propter hoc ſpecialiter obligando. Renunciavit in praeſcriptis omnibus dictus procurator procuratorio nomine dicti Domini Regis & ſucceſſorum ſuorum, omni juris & legum auxilio Canonici & Civilis, conſuetudini & ſtatuto, privilegio fori, beneficio reſtitutionis in integrum, & exceptioni etiam quod praedicta pecunia non ſit converſa in utilitatem dicti Domini Regis & terrae ſuae, conſtitutioni de duabus dietis Concilii generalis, omnibus Apoſtolicis Literis, indulgentiis & aliis quibuſcunque à ſede Apoſtolica impetratis ac etiam impetrandis, & omni exceptioni, actioni, defenſioni, & rei quae objici poſſet contra hoc inſtrumentum vel factum. Ad majorem autem dictorum Mercatorum cautelam praefatus procurator bona fide promiſit apud dictum Dominum Regem ſtudioſè & fideliter laborare, ut …uncta omnia & ſingula ſupra dicta, antedictis Mercatoribus obſerventur; In hujus itaque rei teſtimonium & evidentiam pleniorem, praeſens inſtrumentum dictus Dominus Archidiaconus ſuo ſigillo roboravit. Actum Aſſiſi coram hiis teſtibus, ſcilicet Magiſtro Hugone Cumonjaco teſt. Pontio de Sal…ſto Clerico Teſt. Willielmo de Reſilione Teſt. Thomaſio de Ʋenant famul. dict. Arch.
Authoritate Imperiali Setimanus praedictis omnibus interfui, & hoc inſtrumentum ſcripſi & complevi rogatus.