Works Volume 4, Chapter 12
CAP. XII.
Gallicanae Eccleſiae teſtimonium. Hieronymus à Blondello arguitur. Irenaeus foreign, verè dictus, qui & Epiſcopus. foreign, Lu. 22.26.
§. 1. REſtat unicum, quod appellat, Gallicanae Eccleſiae teſtimonium, quod, ut cum commodo ſuo proponat D. Blondellus, Euſebii imprimis, dein Chariſſimi Hieronymi (ut & Faſtos Graecos taceam) foreign,Apol. p. 23. neceſſariò per modum foreign, ab illo coarguenda erant. Nam, ſi aut Euſebius non deliraverit, aut Hieronymus Euſebianam hallucinationem novis foreign non cumulaverit, aut Faſti Siculi totam luculentiſſimae Hiſtoriae ſeriem non conſpurcaverint, nullum planè hîc, quod in nos vibrari poſſet, telum, Gallicana Eccleſia D. Blondello largitura erat.
Illud hîc nobis fixum & rarum eſſe volumus, Chronologicis diſceptationibus, ſatis quidem & turbidis, & obſcuris, in operis non adeò foecundi, aut placidi exitu, nullatenus immiſceri.
§. 2. Nos, ne à D. Blondello hâc in re vel latum unguem abſcedamus, & ſic pro theſauro Carbones in pretio habuiſſe dicamur, libenter concedemus Polycarpum An. Dom. 167. gladio confoſſum eſſe, Juniique ſequentis 2do, Pothinum, Chriſtum Lugduni confeſſum, animam efflâſſe, ſic ut Irenaeus ſucceſſor ejus relictus, anno Epiſcopatûs, vel nono, vel decimo A. Ch. 177. Romam Gallorum Legatus profectus ſit.
§. 3. Quid igitur ad Epiſcoporum & Presbyterorum foreign confirmandam, Gallicanae iſtius Epiſtolae, quâ munitus Irenaeus legationem iſtam ſuſcepit, teſtimonium facturum eſt? Certè quicquid ſit, ab Irenaeo Epiſcopo, jam ſupra Presbyterorum paritatem aſſurgente (nec, uti ſpero, Ʋriae, quas dicimus, literis, ab Eccleſiâ, cui praeſidebat, boníſque Chriſti martyribus, inſtructo,) deferebatur. Certè & id integris 40. annis poſt D. Blondelli aeram, ex qua Eccleſiarum, inquit ille, conſuetudo immutata eſt, & toto orbe ad unum caeteris ſuperpoſitum omnis Eccleſiae cura pervenit; Nec igitur à teſtimonio hoc, qualecunque demum ſit, nobis valdè metuendum erit.
§. 4. At quale tandem teſtimonium? Quae Lugdunenſium Martyrum ad Eleutherium Papam Romanum verba ſunt? ſcilicet, foreign,Euſeb. l. 5. foreign. Ʋt has ad te literas deferret fratrem noſtrum communicatorémque Irenaeum hortati ſumus, Pater Eleutherie, Te etiam rogamus, ut eum Chriſti teſtamenti Zelatorem exiſtentem, in pretio habeas. Si enim putaſſemus locum cuiquam juſtitiam parare, ut Presbyterum Eccleſiae (ita enim eſt) eum imprimis commendaſſemus.
§. 5. Hîc certè libet exclamare, Ad quid perditio haec? Certè omnia tam prolixè producta ad illud unum collimant, ut Irenaeus Epiſcopus Novennio jam toto in Lugdunenſi cathedrâ ſedens (ipſius D. Blondelli fidem appello, quàm ſit hoc veriſſimum) à Martyribus Lugdunenſibus (nec enim [à delegantibus] illud factum apparet) foreign, (aut Latinè potius loquentibus, Senior) dicatur.
§. 6. Certè de vocis hujus pro Epiſcopo acceptatione, abunde in prioribus, praeſertim*Diſ. 4. c. 22., cùm de Polycarpo ſermo incidiſſet, diſſeruimus, & in hac re ſummam & Papiae, & Irenaei, & Clementis, & Tertulliani concordiam advertimus. Nec igitur Epiſcopum Irenaeum à Lugdunenſi Eccleſiâ, aut Seniorem, aut foreign rectè dici potuiſſe dubitamus. Eo quidem modo, quo à Chriſto, diſcipuli, (ſubjecti, aut inferiores omnes) foreign ſimpliciter, Luc. 22.26. Et in ſacro Codice, primíque aevi ſcriptoribus, Eccleſiarum Paſtores aut Praepoſiti, foreign, non ut aetatis tantummodo, ſed ut foreign, aut authoritatis potiſſimùm titulo, dicebantur.
7. Mirum eſt, tanto conatu, & apparatu hoc unum (toties decantatum) denuò ad faſtidium à D. Bl. productum eſſe; At magis ſtupendum, hâc unâ aequivoci nominis uſurpatione, omnem ſtatim Epiſcoporum foreign ſublatam cenſeri, ídque poſt tempus illud, quo Epiſcopos toto Orbe caeteris ſuperpoſitos eſſe, ut & Irenaeum ad hanc Lugdunenſis Cathedrae dignitatem aſcendiſſe, ipſe nobis D. Blondellus largiatur.
§. 8. Dabit verò nobis res iſta aeſtimandi copiam, quid demum, aut nobis, aut Lectori expectandum ſit, ſi D. Blondelli veſtigiis inſiſtentes, eum ab hoc Gallicanae Eccleſiae de Irenaeo teſtimonio, ad ipſum dein Irenaeum, qui proximè ſuccedit, latiùs vindicandum, ſi inſuper ab Irenaeo, & ipſo ſingulari Epiſcopo, ad Victorem Papam, à Victore ad Clementem Alexandrinum, à Clemente ad Tertullianum, à Tertulliano ad Originem, ab Origine ad Cyprianum, alió;ſque notiſſimos Epiſcopalis apicis, vel dignitatis aſſertores, & propugnatores fidiſſimos, ſequi velimus.
§. 9. Nos quidem prudentiùs otio noſtro, pariter, & Lectoris commodo conſulendum putavimus, & Diſſertationi ſatis jejunae & horridae finem jamdiu exoptatiſſimum aliquando impoſituri, ſarcinulas jam noſtras breviter colligendas decrevimus.