Works Volume 4, Chapter 18
CAP. XVIII.
Sacerdotes, Epiſcopi apud Tertullianum, Cyprianum, Pontium Diaconum, Ambroſium. foreign apud Chryſoſtomum. Blondelli lapſus in Pontii loco, ut & in Hilarii.
§. 1. HIS addi poteſt foreign & foreign, at praecipuè apud Latinos, Sacerdotum appellatio, Epiſcopis non ſemel peculiaris. Sic Tertull. de Baptiſm. Summus ſacerdos qui eſt Epiſcopus, Dehinc Presbyteri & Diaconi, &c. Sic Cyprianus Rogatiano Epiſcopo, Ep. 65. Si ultrà Te — provocaverit Diaconus, eum vel deponas, vel abſtineas, & ſiqui alii tales extiterint, & contra Sacerdotem Dei fecerint, vel coercere poteris, vel abſtinere. Idem planè Epiſcopus, & Sacerdos dei, cui coercendi Diaconos jus competebat.
§. 2. Sic cum Ambroſius de ſe, Epiſcopo Mediolanenſi, & de aliis ſui ſimilibus pronuntiet, Claves illas regni coelorum in beato Petro Apoſtolo cuncti ſuſcepimus ſacerdotes; cúmque de Dignitate Sac. c. 2. ex ſcripturis oſtendat, Oves Sacerdotibus concreditas eſſe, iíſque ut Gubernatoribus ſuis ſubjiciendas eſſe, Patet utrinque Sacerdotes Epiſcopos eſſe.
§. 3. Sic & Chryſoſtomo foreign & foreign idem ſonant, & non ſemel Epiſcopos ſignificant. Sic iterum cùm apud Cyprianum Ep. l. 11. de lapſis ſermo ſit, quos, inquit, abſolvere Presbyteri praſumebant, eos Epiſcopo honorem ſacordotii ſui & Cathedrae non reſervare concludit. Ubi Poteſtas Claviunt, Sacerdoti, i. e. Epiſcopo propria, Presbyteris non competebat. Quod prius Ep. 10. diſtinctiùs affirmaverat, …os quippe Presbyteros, qui ſic lapſos abſolverent, praepoſitum ſibi Epiſcopum non cogitaſſe, quod nunquam, inquit, omnino ſub Anteceſſoribus factum eſt.
§. 4. Sic l. 1. Ep. 3. De Epiſcopali authoritate Deo immediatè imputandâ, Sacerdotalis, inquit, Authoritas, & Poteſtas, Diviná dignatione firmatu…; Quibus ſtatim adjicit, Omnium ſchiſmatum fontem eſſe, quòd Sacerdoti Dei non obtemperatur, nec unus in Eccleſiâ ad tempus Sacerdos & ad tempus Judex, vice Chriſto cogitatur. Sic c…m illi Sacerdotum collegium, & Coepiſcoporum conſenſus idem ſonent, ſtatímque addatur, Quicunque ſe ſupra Sacerdotem unum efferat, ſe non Epiſcopi, ſed Dei Judicem facere.
§. 5. Sic cùm Pontius Diaconus de Cypriano affirmet, ad officium Sacerdotii, & Epiſcopatus gradum, novellum electum eſſe, ex antecedentibus patet, Sacerdotem aequè ac Epiſcopum Presbytero opponi. Sic enim ille in laudem tanti viri, Multa ſunt, quae jam Presbyter fecit, Ad probationem bonorum operum (eorum ſcilicet, quae Presbyter fecit) ſatis eſt, quod ad officium Sacerdotii, & Epiſcopatus gradum adhuc novellus electus ſit. Adeò ſine omni ratione, ex his ipſis Pontii verbis, concludendum putavit D. Blondellus, Apol. p. 45.Epiſcopum ſcriptorii illi, eundem qui Presbyter, fuiſſe, nihílque ex Hieronymi ſententiâ (in quâ ſic ille triumphat) dici magis potuiſſe.
§. 6. At clariſſim… Pontius contrarium dixit, Presbyterium quidem, & Sacerdotium accepiſſe, nullâ m…râ, nullâ dilatione, ſtatim quippe poſt acceptum Presbyterii gradum (ita tamen ut multa jam Presbyter fecerit) Sacerdotali, aut, quod idem eſt, Epiſcopali donatum eſſe, Quis enim (inquit ille ſtylo panegyrico) non omnes honorum gradus crederet tali mente credenti? ubi Presbyteratus, & ſacerdotium, Diaconatui ſuperadditi) omnes honorum gradus ſunt, non ideò ejuſdem honoris foreign, aut gradus.
§. 7. Fefellit ſine dubio D. Blondellum Sacerdotii mentio, quòd ille de Presbyteratu dictum putavit, cùm clariſſimè ad Epiſcopatum pertinuerit.
§. 8. Eundem planè errorem erravit, aut nos errare voluit D. Blondellus, cùm ex Hilario Pictavienſi verbis his prolatis [In Aaron ſacerdotes ſignificari non dubium eſt, in Levi autem miniſtros oſtendi abſolutum eſt.] Sic ſtatim concludit, Non ignorabat Pia anima, uſu longo confirmatam Epiſcoporum ſuper Preſbyteros foreign, ſed (intento in Primitivam ſacri Regiminis ſu… Apoſtolis, Apoſtolicíſque viris formam, oculo) conſuetum Eccleſiarum morem praetervectus, duo tantum in Clero capitum genera recenſuit, ſacerdotum nimirum, ſeu Praepoſitorum, ac ſeniorum quorumcunque in Aarone praefiguratorum, & miniſtrorum in Leviticâ tribu.
§. 9. Verùm ſciat D. Blondellus per ſacerdotem hîc Hilario, ut modò Cypriano, & Pontio, & Ambroſio, &c. Epiſcopum ſignificari, non Presbyterum: Ideóque hanc ab Hilario dicti ſui rationem reddi, Sacerdos enim in lege primus fuit Aaron, & exinde in ſucceſſione ejus Sacerdotum honor manſit. Piget iſtis immorari, ad quae tamen ubique aut feſtinatio, aut partium ſtudium doctiſſimum virum prodidit.
§. 10. De voce [Sacerdos] pro Epiſcopo uſurpatâ, unicum addo ex Concilio Taurino de Palladio, A Triferio Sacerdote fuerat mulctatus. Ubi Triferium Epiſcopum fuiſſe, ſi cui dubium ſubeſſe poſſet, monſtrabit Canon 4. qui ab eo Exuperantium Presbyterum excommunicatum affirmat. Et de foreign nomine, aliíſque ejuſdem monetae, vel apud ſacros, vel Eccleſiaſticos Scriptores, hactenus dictum eſto.