The Signal Loyalty and Devotion of Gods True Saints Part 1 and 2, Part 2 · Chapter 8 · Incipit 3 – Part 3
Incipit Benedictio Reginae in ingressu Ecclesiae.
OMnipotens aeterne Deus, fons & origo totius bonitatis, qui foeminei sexus fragilitatem, nequaquam reprobando aversaris, sed dignanter comprobando …otius eligis, & qui infirma mundi eligaendo, fortia quaeque confundere decrevisti, quique etiam gloriae virtutisque tuae triumphum in manu Judith foeminae olim Judaicae plebi de hoste saevissimo resignare voluisti: respice quaesumus ad preces humilitatis nostrae, & super hanc famulamJudith 13. tuam N. quam supplici devotione in Reginam elegimus, benedictionum tuarum dona multiplica, eamque dextera tuae potentiae semper & ubique circunda, ut ambone muniminis tui undique firmiter prot…cta, visibilis seu invisibilis hostis nequitias triumphaliter expugnare valeat, & una cum Sara, atque Rebeeca, Lia, & Rachel, beatis reverendisque foeminis, fructu uterisui soecundari seu gratulari mereatur, ad decorem totius regni, statumque sanctae Dei Ecclesiae regendum, ne…non protegendum per Christum Dominum nostrum, qui ex intemerato beatae Mariae Virginis alvo nasci, visitare ac renovare hunc dignatus est mundum, qui tecum vivit & gloriatur, Deus in unitate Spiritus sancti per immortalia secula seculorum.
Item benedictio ejusdem ante altare.
D…us qui solus habes immortalitatem, lucemque habitas inaccessibilem, cujus providentia in sui dispositione non fallitur, qui fecisti quae ventura sunt, & vocas ea quae non suut, tanquam ea quae sunt: qui superbos aequo moderamine de principatu dejicis, atque humiles dignanter in sublime provehis, ineffabilem misericordiam tuam supplices rogamus, ut sicut Hester reginam, Israelis causa salutis, de captivitatis suae compede solutam, ad regis Assueri thalamum, regnique sui consortium transire fecisti, ita hanc famulam tuam N. humilitatis nostrae benedictione Christianae plebis gratia salutis, ad dignam sublimemque, regis nostri copulam, regnique sui participium misericorditer transire concedas: & ut in regalis foedere conjugii semper manens pudica, proximam virginitati palmam obtinerc queat, tibique Deo vivo & vero in omnibus & super omnia jugiter placere desideret, & te inspirante, quae placita sunt toto conde perficiat. Per.
Sacri unctio olei.
Spiritus sancti gratia, humilitatis nostrae off cio, in re copiosa descendat, ut sicut manibus nostris indignis, oleo materiali oblita pinguescis exterius, ita ejus invisibili unguine delibuta, impinguari merearis interius: ejusque spirituali unctione perfectissime semper imbuta, & illicita declinare tota mente & spernere discas seu paleas, & utilia animae tuae jugiter cogitare, optare, atque operari queas, auxiliante Domino nostro Jesu Christo, qui cum Deo patre, & eodem Spiritu sancto vivit & regnat Deus in secula seculorum.
Coronae positio.
Officio indignitatis nostrae seu congregationis, in Reginam benedicta, accipe coronam regalis excellentiae: quae licet ab indignis, Episcoporum tamen manibus capiti tuo imponitur, undè velut exterius auro & gemmis redimita enites, ita & interius auro sapientiae, virtutumque gemmis decorari contendas: quatenus post occasum hujus seculi cum prudentibus virginibus sponso perenni Deo nostro Jesu Christo digne & laudabiliter occurrens, Regiam coelestis aulae merearis ingredi, qui cum Deo Patre, & Spiritu sancto vivit & regnat Deus, per infinita secula seculorum. Amen.
To these I shall subjoyn the Prayers for and Benedictions of Christian Kings and Queens at their Coronation, in Pontificale Romanum Clementis VIII. Pontif. Max. jussu Restitutum atque Editum, Antuerpiae 1627. fol 163. &c.
De Benedictione et Coronatione Regis.
CUm Rex est coronandus, Episcopi Regni ad civitatem, ubi coronatio …eri debet, convocantur. Rex triduanum jejunium devotè peragit, per hebdomadam praecedentem, videlicet quarta et sexta Feria, et Sabbato. Dominica verò proxima sequenti coronatur, qua ipse Rex se ad Communionem parat. Ecclesia verò ipsa Metropolitana, sive Cathedralis, ubi solemnitas celebrabitur, paretur et ornetur, quò melius fieri poterit. Ad altare majus parantur ea quae consueta sunt parari, Pontifice celebrante; et credentia juxta altare cum rebus opportunis. Super altare ponitur gladius, corona, et sceptrum Regi danda, et oleum Catechumenorum, bombyx ad ligan…um et extergendum brachium Regis, et inter scapu…as post unctionem, fascia ad ligandum bombycem in brac…o. Paratur in Ecclesia, in loco competenti, thalamus siv… suggestum pro Rege, in quo sit Regalis sedes orna…, et thalamus ipse sit ornatus pannis sericets, et au…s. Sed advertendum est, quòd al…tudo thalami non sit ma…r quàm gradus supremus al…s. Paratur exiam in loco convenienti tentorium, sive papilio, sub quo Rex vestes Regales, pro Regni consuetudine, quae … pro eo parantur, suo tempore recipit. Et si Regina etiam simul …st coronanda, pariter pro ea illius …amus, non longè. Regio, sed illo aliq…lùm humi…r; et ita s…nt situandi thalami, ut inde possint videri altare et Pon…fex celebrans. Parantur e…am ante altare hinc et inde sedes, pro numero Episcoporum coronationi interessentium.
Die autem Dominica, qua Rex benedicendus et coronandus est, omnes Episcopi conveniunt manè in Ecclesia, in qua hoc fieri debet; et Metropolitanus sive Pontifex, ad quem spectat, parat se solemniter cum Ministris, Missam celebraturus, paramentis tempori convenientibus. Episcopi verò ind…ur supra rochetum (vel supra superpelliceum, si sint Religiosi) amictu, st…la, pluviali a…bo, et mitra simplici. Quibus omnibus paratis, Metropolitanus in faldistorio ante medium altaris posito sedet cum mitra, et Episcopi parati hinc et inde super sedibus pro eis paratis, quasi in modum coronae sedentes, sibi assistunt. Interim Rex vestibus militaribus indutus, cum suis Praelatis domesticis non paratis, ac Baronibus, Nobilibus, et aliis, venit ad Ecclesiam; et cùm fuerit prope Presbyterium, duo priores Episcopi ex paratis veniunt e… obviàm, et cum mitris capita illi aliquantulum inclinantes, ipsum inter se medium, birreto deposito, usque ante Metropolitanum deducunt: cui Rex caput inclinans, humilem reverentiam exhibet; qua facta, prior Episcoporum deducentium stans, detecto capite, versus ad Metropolitanum, dicit intelligibili voce:
REverendissime Pater, postulat sancta Mater Ecclesia Catholica, ut praesentem egregium Militem ad dignitatem Regiam sublevetis.
Interrogat Metropolanus:
Scitis illum esse dignum & utilem ad hanc dignitatem?
Ille respondet:
Et novimus, & credimus eum esse dignum, & utilem Ecclefiae Dei, et ad Regimen hujus Regni.
Metropolitanus dicit:
Deo gratias.
Tunc sedet Rex medius inter duos Episcopos deducentes, congruenti spatio à Metropolitano, ita ut illi faciem vertat; ip… etiam deducentes Episcopi, senior ad dexteram, alius ad sinistram Regis se collocant, ut et ipsi ad alterutrum factes vertant. Quibus sic sedentibus, postquam aliquantulùm quieverint, Metropolitanus coronandum Regem admonet, dicens:
CUm hodie per manus nostras, optime Princeps, qui Christi salvatoris nostri vice in hac re fungimur (quā vis indigni) sacram unctionem et Regni insignia sis suscepturus; benè est, ut te priùs de onere, ad quod destinaris, moneamus. Regiam hodie suscipis dignitatem, et regendi fideles populos tibi commissos curam sumis. Prae…larum sanè inter mortales locum, sed discriminis, laboris, atque anxietatis plenum. Verùm, si consideraveris, quòd omnis potestas à Domino Deo est, per quem Reges regnant, et legum conditores justa decernunt, tu quoque de grege tibi commisso ipsi Deo rationem es redditurus. Primùm, pietatem servabis, dominum Deum tuum tota mente ac puro corde coles. Christianam religionem, ac fidem Catholicam, quam ab incunabulis professus es, ad finē usque inviolatam retinebis, eamque contra omnes adversantes pro viribus defendes. Ecclesiarum Praelatis, ac reliquis Sacerdotibus condignam reverentiam exhibebis. Ecclesiasticam libertatem non conculcabis. Justitiam, sine qua nulla societas diu consistere potest, erga omnes inconcussè administrabis, bonis praemia, noxiis debitas poenas retribuendo. Viduas, pupillos, pauperes, ac debiles ab omni oppressione defendes. Omnibus te adeuntibus benignum, mansuetum, atque affabilem, pro Regia tua dignitate te praebebis. Et ita te geres, ut non ad tuam, sed totius populi utilitatem regnare, praemiumque benè factorum tuorum, non in terris, sed in coelo expectare videaris. Quod ipse praestare dignetur, qui vivit et regnat Deus, in saecula saeculorum. Resp Amen.
Rex electus accedit ad Metropolitanum; et coram eo, detecto capite, genuflexus, facit hanc professionem, dicens:
EGo N. deo annuente futurus Rex N. profiteor, et promitto coram Deo, et Angelis ejus, deinceps legem, justitiam & pacem Ecclesiae Dei, populoque mihi subjecto, pro posse & nosse, facere ac servare salvo condigno misericordiae Dei respectu, sicut in consilio fidelium meorum meliùs potero invenire. Pontisicibus quoque Ecclesiarum Dei condignum & canonicum honorem exhibere; atque ea, quae ab Imperatoribus & Regibus Ecclesiis collata & reddita sunt, inviolabiliter observare. Abbatibus, Comitibus, & vasallis meis congruum honorem, secundum consilium fidelium meorum, praestare.
Defnde ambabus manibus tangit librum Evangeliorum, quem Metropolitanus ante se apertum tenet, dicens,
Sic me Deus adjuvet, & haec sancta Dei Evangelia.
Postcà Rex electus Metropolitani manum reverenter osculatur.
His expeditis, illo genuflexo manente, Metropolitanus, deposita mitra, surgit, et stans versus ad ipsum coronandum, dicit competenti voce sequentem Orationem, quam etiam dicunt omnes Pontifices parati, similiter sine mitris stantes; dicunt etiam omnia alia benedictionem et coronationem ipsam concernentia, voce submissa. Metropolitanum tamen in omnibus observantes, et imitantes.
Oremus.
OMnipotens sempiterne Deus, creator omnium, Imperator Angelorum, Rex Regum, & Dominus dominantium, qui Abraham fidelem servum tuum de hostibus triumphare fecisti, Moysi & Josue populo tuo Praelatis multiplicem victoriam tribuisti, humilemque David puerum tuum Regni fastigio sublimasti, & Salomonem sapientiae pacisque ineffabili munere ditasti; respice, quaesumus Domine, ad preces humilitatis nostrae, & super hunc famul…m tuum N. quem supplici devotione in Regem eligimus, benedictionum tuarum dona multiplica, eùmque dexterae tuae potentia semper & ubique circumda: quatenus praedicti Abrahae fidelitate firmatus, Moysi mansuetudine fretus, Josue fortitudine munitus, David humilitate exaltatus, Salomonis sapientia decoratus, tibi in omnibus complaceat, & per tramitem justitiae inoffenso gressu semper incedat; tuae quoque protectionis galea munitus, & scuto insuperabili jugiter protectus, arm…sque coelestil us circumdatus, optabilis de hostibus sanctae Crucis Christi victoriae triumphum feliciter capiat, terroremque suae potentiae illis inferat, & pacem ti…i militantibus laetanter reportet. Per Christum Dominum nostrum, qui virtute sanctae Crucis ta…tara destruxit, regnoque diaboli superato, ad coelos victor ascendit, in quo potestas omnis, regn…que consistit victoria, qui est gloria humilium, & vita salùsque populorum: qui tecum vivit & regnat in unitate Spiritus sancti Deus, per omnia saecula saeculorum. Resp. Amen.
Post haec Metropolitanus cum mitra procumbit supra faldistorium. Rex verò ad ejus sinistram in terram se prosternit, aliis Praelatis paratis ante sedes suas similiter procumbentibus. Tunc cantores incipiunt, et prose quuntur Litanias, choro respondente.
Cum dictùm fuerit,
Ut omnibus fidelibus, &c.
Resp. Te rogamus audi nos.
Metropolitanus surgit, et accepto baculo pastorali in sinistram manum, super electum Regem prostratum, dicit:
Ut hunc electum in Regem coronandum benedicere digneris.
R. Te rogamus audi nos.
Secundò dicit.
Ut hunc electum in Regem coronandum benedicere et consecrare digneris.
R. Te rogamus audi nos.
Producendo semper super eum signum Cru…is. Idcm dicant et faciunt Episcopi parati, genuflexi tamen permanentes. Quo dicto, Metropolitanus redit ad accubitum, cantoribus resumentibus, et perficientibus Litanias. Quibus finitis, Metropolitanus, deposita mitra, surgit, ill… prostrato, atque Episcopis, deposita mitra, genuflexis manentibus, versus ad coronandum, dicit: Pater noster.
V. Et ne nos inducas in tentationem.
R. Sed libera nos à malo.
V. Salvum fac servum tuum Domine.
R. Deus meus sperantem in te.
V. Esto ei Domine turris fortitudinis.
R. A facie inimici.
V. Nihil proficiat inimicus in eo.
R. Et filius iniquitatis non apponat nocere ei.
V. Domine exaudi orationem meam.
R. Et clamor meus ad te veniat.
V. Dominus vobiscum.
R. Et cum Spiritu tuo.
Oremus.
PRaeteude Domine, huic famulo tuo dexter am coelestis auxilii: ut te toto corde perquirat; & quae dignè postulat, consequi mereatur.
ACtiones nostras, quaesumus, Domine, aspirando praeveni, & adjuvando prosequere: ut cuncta nostra oratio & operatio à te semper incipiat, & per te coepta finiatur. Per Christum Dominum nostrum. R. Amen.
Post haec Metropolitanus sedet, accipit mitram, et electus Rex coram eo genuflectit; et circumastantibus Praelatis paratis cum suis mitris in modum coronae, Metropolitanus intingit pollicem dexterae manus in oleum Catechumenorum, et inungit, in modum Crucis, illius brachium dexterum, inter juncturam manus, et juncturam cubiti, atque inter scapulas, dicens hanc Orationem.
DEus, Dei Filius, Jesus Christus Dominus noster, qui à Patre oleo exultationis unctus est, prae participibus suis; ipse per praesentem sanctae unctionis infusionem Spiritus, Paracliti super caput tuum benedictionem infundat, eandemque usque ad interiora cordis tui penetrare faciat: quatenus hoc visibili & tractabili oleo, dona invisibilia percipere, & temporali Regno justis moderationibus executo, aeternaliter cum eo regnare merearis, qui solus sine peccato, Rex regum vivit & gloriatur cum Deo Patre in unitate Spiritus sancti Deus, per omnia saecula saeculorum. R.
Amen.