Vindication of Ecclesiastical Volume 3, Volume 2 · Book · Chapter 3 · Document 6
Conſtitutiones Domini Bonifacii Archiepiſcopi Cantuarienſis in Concilio Weſtmon. vel Lambethe, Anno Domino *It was in neither, but An. 1257.1270. vel 1272.
UNiverſis Sanctae matris Eccleſiae filiis per Cantuarien. Provinciam Conſtitutis, Bonifacius, Provincialis Guillermi Lindewode, l. 5. de poenis Bonifacius, f. 226. 227. &c.miſeratione divina Cantuarienſis Archiepiſcopus, totius Angliae Primas, ejuſque Suffraganei, ad certitudines praeſentium & memoriam futurorum.
Aeternae Sanctio voluntatis quae rerum ordinem omnium, cunctarumque ſemina naturarum in pondere, numero & menſura decrevit, ad exemplar coeleſtium procedere cenſuit reg…men terrae, noſtrum humanum genus quod caeteris praeſtare voluit, dignitatis excellentia creaturis conſtringens à ſenſualitatis prurigine naturalibus regulis, & ab arbitrii lubricitate (alias praecipitio) legalibus cohibens inſtitutis, ut potentiores laxatam ſibi paſſim non crederent in humiles imperandi licentiam, et humiliores quos etſi natura pares, cauſarum faciat ſeries indeflexa praelatis diſſimiles, majorum non contemnerent diſciplinam. Et ſicut terrenae domicilium manſionis pro coeleſtium luminum qualitate lucis vices ac noctis (alias votis) continuis ſucceſſibus mutuatur (alias imitatur) & coeleſtium ſubigitur moderamini poteſtatum; Sic ordo rectorum ipſius; Eccleſiaſticus alius ſpiritualis, terrenus, ſacerdotalis et regius videlicet, et mundanus, conceſſae ſibi dominationis habenas dirigeret, quod unius impetus proceſſum alterius non turbaret, nec impediret, ſed accederet unius alter ſuffragator in mutuae Charitatis ſubſidium, quo ſimul invicem ad humanae noctis caliginem expellendam, ſuſcepti participent luminis ornamentum. Sanè olim attendentes patres & praedeceſſores noſtri Cantuariae Archiepiſcopi totius Angliae Primatis, & ſuffraganei eorundem, & potiſſimum temporibus Patrum retrò decurſis, amicus Dei Edmundus praedeceſſor noſter, cujus memoria in benedictionem, & inter Electos ſors illius eſt computata, noſque ſibi licet immeriti in locum regiminis ſibi immediatè ſucceſſimus, cum fratribus & Coepiſcopis noſtris ſuffraganeis Cantuariae Eccleſiae, noſtris temporibus ponderantes ſollicitè, quod gravamina et oppreſſiones quibus Anglicana libertas Eccleſiaſtica deprimitur et calcatur, illuſtri Domino Regi noſtro nequaquam accedant ad commodum, ſed potius ad non modicum ſalutis ſuae et noſtrarum ſimul periculum animarum, et honoris tam perſonae ſuae, quam totius Regni detrimentum, ipſum frequenter monuimus, et ſupplicavimus ei, ac ſupplicari fecimus cum inſtantia ſaepius reverenter, nec non apud Principes et Magnates Regni et conſiliarios, quorum moderamine diſponuntur negotia regni, precibus et exhortationibus pulſavimus importuna oportunitate, et frequenter quatenus intra memoriam recolentes, quot plagis Egyptii fuere percuſſi, pro eo quod populum Dei filios videlicet Iſrael *Why not rather of Gods people under the Popes and their Prelatical Tyranny, oppreſſions, uſurpations, excommunications, Interdicts▪typum gerentes Miniſtrorum altaris) in luto cogebant ſervire et latere; ſubjicientes eos indebitae ſervituti, contra praeceptum Domini et Iuris privilegium naturalis: quo quis tenetur, alteri non facere, quod nollet ab alio ſuſtinere; penſanteſque prudenter, quod Chriſtus tantùm dilexit Eccleſiam, cujus bodiè peccatis exigentibus patres angariantur, à filiis, & oves deſaeviunt in Paſtores, quod vetuſte chirographum ſervitutis in prothoplaſti privatione conſcriptum proprio cruore delevit; et ſanguinem Martyrum in armis fidei expugnantium mundi Principes et ſeculi poteſtates rubricavit: privilegium libertatis e coelo prius conceſſum Eccleſiae, et in terris poſtmodum a principibus hujus mundi fidelibus innovatum. Huic inquam privilegio, tam pio tamque nobili precio comparato deferrent, humiliter, ob reverentiam redemptoris, permittendo Clerum Anglicanum in ſolicitudine libertatis laudis ſacrificium Domino immolare, ne perſecutores ſubmergi contingat in fluctibus irae coeleſtis, ſi contemptis impiis ipſum cogant ad paleas ſervitutis. Licet autem in precibus inculcandis diu laboraverimus, ſuſtinendo, et ſuſtinuerimus laborando: adhuc tum inſtantia noſtra ſaepius iterata, ad exauditionis gratiam ingreſſum mereri non potuit; nec effectum ſortiri diutius expectatum. Quia vero periculoſe negligitur quod contra coeli principem uſurpatur, contra gravamina praelibata, quae abſque Dei offenſa ulterius continere non poſsumus, nec debemus, ad arma Iuſticiae, (quod est verbuus Dei) cum fiducia recurrentes, penetrabilius omni gladio ancipiti, infra ſcripta remedia ſacro approbaute Concilio providimus adverſus conatus perverſorum ſiatuendo provide ſub hac forma.
In nominae Sanctae Trinitatis & individuae Patris, & Filii, & Spiritus Sancti, Amen.