Vindication of Ecclesiastical Volume 3, Volume 2 · Book · Chapter 2 · Document 144
INNOCENTIƲS, &c. Venerabili fratri Epiſcopo Lincolnienſi, ſalutem & Apoſtolicam benedictionem. Inter caetera, quae noſtrum animum qui univerſali regimini, quamvis immeriti, diſponente Domino praeſidemus, inſultibus impetunt ſucceſſivis; illud nos frequenti meditatione perurget, ut Eccleſiae cauſarum agitatae non deficiant ſub diſpendiis quaeſtionum & litibus, quae propter concertationes & diffugia partium, videntur quodammodo immortales, finis debitus imponatur. Cum igitur inter te ex parte una, & Decanum & Capitulum Lincolnienſem ex altera, ſuper eorum & Eccleſiarum Praebendalium & Eccleſiarum caeterarum de dignitatibus & communa, viſitatione, & reformatione morum, ac correctione, tam Decani, quam Canonicorum, & Clericorum chori, & etiam miniſtrorum, ac vicariorum, & Capellanorum, & Parochianorum dictarum omnium Eccleſiarum, necnon reverentia & obedientia Canonica tibi ab eis praeſtanda, & quibuſdam aliis dignitatibus, & officium Epiſcopale contingentibus, ſuborta fuiſſet materia quaeſtionis; Nos poſt diverſas commiſſiones hinc iude ab Apoſtolica ſede ad Judices diverſos obtentas, & proceſſus habitos per eaſdem; cauſam ipſam, finem ſibi cupientes imponi, ad examen noſtrum duximus revocandam. Cumque tu & procurator partis alterius in noſtra eſſetis praeſentia conſtituti, fuit ex parte tua propoſitum, quod cum ex diligentia paſtoralis officii tenearis de jure communi Capitulum Lincolnienſem, & omnes Eccleſias Praebendales de dignitatibus & communa viſitare; ac ea, ſecundum formam juris, quae ad viſitationis ſpectant officium, adimplere; cum tam Capitulum quam Eccleſiae tibi ſint de jure communi ſubjectae, necnon exceſſus tam Decani, quam Canonicorum univerſorum, & ſingulorum Clericorum de choro, & miniſtrorum eorundem, vicariorum etiam Capellanorum & Parochianorum praedictarum Eccleſiarum corrigere, ac eorum mores, ne ipſorum ſanguis de tuis manibus requiratur, reformare. Cauſam etiam omnium praedictorum, cum ad invicem eos movere contingeret, vel ipſos contrarios tuae Diocaeſis, vel alii contra ipſos, ſive ſint civiles, ſive criminales, examinare ac deſidere, ad te, tanquam ad ordinarium, proprie pertineat, dum tamen ad Eccleſiaſticum forum ſpectent: Decanus & Capitulum ſe tibi ſuper his contra juſtitiam opponebant, propter quod praemiſſa libere non poteras, prout officii tui cura exigit, adimplere. Adjiciebas praeterea, quod tu cum ſis caput Lincolnienſis Eccleſiae, & a te, tanquam a capite, ante electionem Decani Lincolnienſis celebrandam tuus de jure ſit requirendus aſſenſus; ipſt tua irrequiſita licentia, ſe debere ad electionem Decani procedere, aſſeverant: ſuper quo tibi petebas juſtitiam exhiberi. Dicebas praeterea, quod cum Decanus in ſui confirmatione, & Canonici cum Praebendae ipſis conferantur, jurare tibi de jure Canonicam obedientiam teneantur; iidem id hactenus indebite facere non curarunt. Proponebas inſuper, quod cum lege Diocaeſana Decanatus, dignitatum, et Praebendarum vacantium ſequeſtratio ad te de jure pertineat; praefati Decanus & Capitulum ſe tibi ſuper hoc contra juſtitiam opponebant. Quare petebas ſuper praemiſſis jus tuum declarari, ac dijudicari tibi per diffinitivam ſententiam, teque ad viſitationis officium in Capitulo Lincolnienſi, et Eccleſiis Praebendalibus de dignitatibus et communa, et ad correctionem exceſſuum, et morum reformationem omnium praedictorum, non obſtante Decani et Canonieorum reclamatione, admitti debere, diffinitive pronunciari, ac imponi eis perpetuum ſilentium, niſi ſedis Apoſtolicae privilegio, vel alio jure ſpeciali, tueri ſe poſſent ſuper impedimentis et obſtaculis ſupradictis. Petebas etiam procurationem ratione viſitationis Cupituli debitam, & expenſas faciendas in lite: ac ut ipſi quotieſcunque te ad Eccleſiam Lincolnienſem venire contigerit, contra te Eccleſiae campanas pulſare faciant, & exhibeant reverentiam tanquam Patri. Quodque Decanus aliquem Canonicum ad jurandum ei Canonicam obedientiam, niſi dignitas Epiſcopalis & auctoritas excipiatur, de caetero non compellat: nec cogat Canonicos jurare aliquas conſuetudines, quae ſunt contra Canonicas ſanctiones: neque ſtatuta, quae ſint contra Canones, & auctoritatem & dignitatem Epiſcopalem, ulterius in Capitulo ipſo non edat. Petebas inſuper, ut cum Praebendarum & Eccleſiarum de dignitatibus & communa viſitatio, ad te de jure communi pertineat, quod Decanus de caetero ab earum viſitatione deſiſtere per ſententiam cogeretur. Procurator vero partis alterius, litem conteſtando, reſpondit, Narrata non eſſe vera, ut narrabantur: & petita fieri non debere. Lite igitur ſuper his legitime conteſtata, rationibus quoque ac allegationibus utriuſque partis diligenter auditis: Nos poſtquam fuit cauſae concluſum, deliberatione habita diligenti, de fratrum noſtrorum conſilio pronunciavimus, te ad viſitationem tam Decani et Capituli, quam Canonicorum Clericorum chori, ac miniſtrorum, etiam Capellanorum Eccleſiarum et Parochianorum ad omnes praedictas Eccleſias pertinentium. Et ad correctionem exceſſuum, ac morum reformationem libere admittendum. Pro viſitatione autem in Cathedrali Eccleſia facienda, procuratio a Capitulo non praeſtetur. Exceſſus tamen Canonicorum Cathedralis Eccleſiae, qui conſueverunt corrigi per Capitulum, per ipſum, juxta Eccleſiae conſuetudinem hactenus pacifice obſervatam: ad commonitionem & juſſionem tuam, ſucceſſorumque tuorum, infra competentem terminum, eis praefigendum a te, vel eiſdem ſucceſſoribus, corrigantur. Alioquin extunc tu, vel ſucceſſores ipſi, Deum omnipotentem prae oculis habentes, ipſos ut animarum cura requirit, per cenſuram Eccleſiaſticam corrigatis. Mandamus etiam, ut praedicti Canonic… tibi Canonicam obedientiam & reverentiam exhibeant & obſervent. Obligare ſe tamen ad hoc juramento, manuali praeſtatione, ſeu promiſſione, minime teneantur; cum ad hoc conſuetudine non juveris. In caeteris potitis, ab impetitione ſua, praefatos Decanum & Capitulum abſolventes. Nulli ergo omnino hominum, lice at hanc paginam noſtrae diffinitionis infringere, vel auſu temerario contraire. Si quis autem hoc attentare praeſumpſerit; indignationem omnipotentis Dei, & beatorum Petri & Pauli Apoſtolorum ejus, ſe noverit incurſurum. Datum Lugduni, Octavo Calendas Septembris, Pontificatus noſtri anno tertio.
The King this year iſſued his Writs to all the Sheriffs of England, to enquire what Landsany Archbiſhops, Biſhops, Abbots, and other Religious perſons, who were Aliens, or any Normans had in England, and to return the particulars of them, with their reſpective values.