Vindication of Ecclesiastical Volume 3, Volume 2 · Book · Chapter 1 · Document 165
CUm haec cum tempore evolvente elaberentur; nuncii electi & Conventus EccleſiaeMat. Paris Hiſt. Angl. p. 398, 399. Sancti Albani, duo Monachi, ſcilicet Magiſter Reginaldus Phyſicus, & Dominus Nicholaus de Sancto Albano, ambo Presbyteri, viri prudentes & compoſiti, cum ſuis Clericis, Magiſtro Galfrido de Langeleia, & Galfrido Focario, ſerviente & aliis, habentes Literas Conventus procuratorias, iter arripuerunt verſus Curiam Romanam in Octavis Paſchae, ſcilicet decimo ſeptimo Calend. Maii, precibus omnium fratrum commendati. Hae autem fuerunt procurationes quas ſecum detulerunt. Reverendiſſimo Domino & Patri in Chriſto Chariſſimo Gregorio, Dei gratia Summo Pontifici, devoti filii ſui, Prior & Coventus Sancti Albani, tam devotam quam debitam cum pedum oſculo reverentiam. Noverit Sanctitas veſtra, quod nos fratres noſtros & Monachos, Reginaldum & Nicholaum, latores praeſentium, cum Literis noſtris ſeriem electionis noſtrae continentibus, quam in Eccleſia noſtra de fratre Johanne de Hertfordia, Monacho noſtro, fecimus Canonice celebrari, ad pedes Sanctitatis veſtrae deſtinamus: ipſoſque ad▪ confirmationis munus a ſede Apoſtolica petendum, et ad alia dictam electionem noſtram contingentia, expedienda, procuratores noſtros conſtituimus. Ratum & gratum habituri, quod per ipſos vel eorum alterum in dicto negotio, ratione praevia, fuerit expeditum. Valeat & vigeat Sancta paternitas veſtra ſemper in Domino. Venerunt igitur ad Curiam Romanam apud Peruſium. Et Domino Papa humiliter ſalutato, formam electionis & rei geſtae ſeriem ſub his Literis contentam, praeſentaverunt. Reverendiſſimo Domino & Patri in Chriſto Chariſſimo, Gregorio Dei gratia Summo Pontifici▪ devoti filii ſui▪ Prior & Conventus Sancti Albani, tam devotam quam debitam cum pedum oſculo reverentiam. Cum Eccleſia noſtra per deceſſum Venerabilis Patris Willielmi, bonae memoriae, quondam Abbatis noſtri, qui viam univerſae carnis ſexto Calend. Martii eſt ingreſſus, paſtoris ſolatio exiſteret deſtituta, certificato ſuper hoc Domino noſtro Rege, ipſoque nobis eligendi licentiam concedente, nos prout potuimus citius & expeditius, volentes animarum periculis occurrere, & Eccleſiae noſtrae indempnitatibus providere, his omnibus prius ſub competenti data dilatione evocatis qui debuerunt & voluerunt potueruntque noſtrae electioni commode intereſſe, ad eligendum nobis paſtorem, diem certum praefiximus, in craſtino Annunciationis Beatae Virginis. Adveniente autem die, praeſentibus his qui propter hoc fuerant evocati, aliiſque, tractare coepimus & conferre. Et quia res praedicta eo die non potuit expediri, in craſtino, ut de eodem tractaremus, ingreſſi ſumus Capitulum iterato, & ibidem poſt Dei clementiam ſuper hoc miſericorditer invocatam, tractare coepimus de praemiſſo. Et tandem in hanc eligendi ſpem, viris bonis de collegio noſtro plenaria data fuerat poteſtas & collata, quod ipſi pro omnibus electionem nominarent, ratihabitione prius eiſdem electoribus promiſſa, de perſona per ipſos electa, & ipſis poſtmodum nominata. Electores ſiquidem praemiſli ad hoc officium, cum Dei timore accedentes, cum lachrymis & orationibus Dei invocantes auxilium; diligenter & diſcrete, ſicut exitus indicavit, de hoc negotio tractaverunt, qui per omnia unanimiter & concorditer poſt tractatus & collationes ſuas ſuper hoc habitas▪ nobis virum per omnia idoneum, in Abbatem patremque & paſtorem elegerunt, & poſtmodum ingreſli Capitulum, nobis quem elegerant nominaverunt, ſcilicet fratrem Johannem de Hertfort, noſtrae profeſſionis Monachum, inter nos ab antiquo religioſe & irreprehenſibiliter converſatum. Nos ſiquidem ibidem unanimiter congregati, in perſonam illius quem elegerant, & nobis nominaverant, concorditer conſenſimus, abſque omni diſcordia ſeu contradictione. Firmiter enim credimus▪ Sancte Pater, quod idem electus nobis & noſtro Monaſterio per omnia ſit idoneus▪ cum in ipſo nihil cur eligi non deberet, ſciamus reprobum, nec in eo aliquid deficere perpendimus, quod canon exegit in electo. Hinc eſt▪ benigniſſime Pater, quare nos, qui filii veſtri ſumus, & immediate ad Romanum Pontificem ſpectantes, vobis in omni qua poſſumus ſupplicamus devotione▪ quatenus Dei intuitu, & ad levamen Eccleſiae noſtrae, quae ſub hac vacatura in magno navigat periculo, ſub ſaeculari cuſtodia conſtituta, electo noſtro abſque morae diſpendio, officii ſui confirmationem miſericorditer impendatis. Nos autem, ut Reverenda Sanctitas veſtra de praemiſſis fidem habeat indubitatam, ſigillo Capituli noſtri de communi totius Conventus conſenſu has Literas noſtras Patentes, & rei geſtae ſeriem continentes, fecimus conſignari.
The Pope after conſideration, condeſcended to the Abbots Election, but upon this condition, that he ſhould take an expreſſe Oath of Fealty to the Pope and Church of Rome, and to his Succeſſors, preſcribed in his Bull directed to the Biſhops, (the firſt encroachment of this kind upon Abbots, to my remembrance) which Oath ſuddenly tendred to him by way of ſurprize he took publikely before the Covent, and all the Clergy and people, at his conſecration and inſtalment, thus related by Matthew Paris, a Monk of this Monaſtery.