Sermons Preached Upon Sundry Occasions, Oratio
ORATIO ante initam diſputationem.
SUmme Deus, miſericors in Chriſto Pater, Cui debetur unicè, quòd inter nuperas Eccleſiae ſimul & Reipublicae ruinas nos, homunciones licèt indigniſsimi, ſuperſtites hodie ſumus, quaſi tot miſericordiae tuae praecones & monumenta. Gratias Tibi agimus, non quas debemus, ſed quas poſſumus maximas, quòd ſub alarum tuarum umbra ad hunc uſ que diem in mediis procellis Academias protegiſti; quòd (oblatrante licèt invidiâ & ignorantiâ) nobis etiamnum indulges otium literarium, quo nominis tui & veritatis gloriae, noſtrûm aliorúmque ſaluti litare & invigilare poſſumus. Tu, Domine, inhabitas lucem inacceſſam, Tu lucis ſpiritualis fons unicus, & Pater luminum; naturâ fatemur nos meras tenebras, altâ ignorantiae nocte obvolutos, ſaxea circumgeſtamus corda, Tui ſolius (omnipotens Deus) praerogativa eſt coecas mentes illuminare & corda adamantina emollire: nos ad pedes tuos humillimè provoluti oramus ſupplices, ut illuceſcas mentibus noſtris luce Tuâ, ut animis Spiritu tuo afflatis, oculisque collyrio tuo inunctis, & mirabilia Legis & profunda Evangelii indies ſcrutemur magis & intelligamus; at que ità potenter flecte reluctantes animos, ut in obſequium Veritatis nos totos tradamus. Fac, quaeſumus, ut ſordidis juſtitiae noſtrae exuti pannis, & Chriſti juſtitiae stolâ induti, coram Te compareamus ſinguli, necnon eam, de qua diſputaturi ſumus, intus in cordibus noſtris ſentiamus diſcriminantem gratiam & fidem ſalutarem. Ità denique conatus noſtros inpraeſentiarum, omniá que in poſterum ſecundes ſtudia, ut cedant in nominis Tui gloriam, Eccleſiae emolumentum, dilucidationem veritatis, fidei augmentum ac robur, in ſalutari Chriſti cognitione profectum, aeternám que noſtrûm omnium ſalutem per Jeſum Chriſtum, olim in terris, nunc à dextera Tua Salvatorē noſtrum at que Interceſſorem, cui inter orandū confidamus unicùm, cui Tecum unà cum Spiritu, Tri-uno Deo, ſit laus & honos nunc & in aeternum.