Confession of His Faith, Chapter 10 · Section 3 · Version 17
ROm. 8. 4. foreign. Beza. Ʋt Ius illud legis in nobis impleretur: Vulg. & Erasm. Justificatio Legis, &c. Ius, Iustitia, Iustificatio legis in eo consistit ut per omnimodam cum lege conformitatem justi at{que} inculpati habeamur coram Deo. Id obtinere non potuit dum per legem peccatum viveret ac regnaret. Sed damnato in carne Christi peccato, at{que} ipsa lege damnationem hanc approbante, per plenariam Christi capitis nostri cum lege conformitatem, …usti at{que} inculpati in eodem capite, fatente lege, habemur. Nec hoc tantùm. sed ut membra capiti sint conformia, fluit ex eo in nos spiritus regenerationis, qui in nobis quo{que} ipsis Iustificationem legis perficiat. Is nos ita regenerat, ut mente nostra lege Dei delectemur. Quodq, in carne reliquumest peccati ita paulatim abolet, ut tandem sine omni macula aut labe ab ipsa lege simus agnoscendi. Ʋniversa ita{que} haec Justitia, tum imputata quam per fidem habemus in capite Christo, tum inhaerens quam per Regenerationem habemus in nobis ipsis, est quidem Justitia legis, sed neutra est Ex lege, neutra per legem: verum utra{que} ex sanguine & spiritu Christi. Et prima quidem ea est de qua Rom 4. 11. 2 Cor. 5. 21. Phil. 3 9. qua nos Deus et si in nobis ipsis legi adhuc deformes, plenè tamen, ipsius etiam legis testimonio, Justificat, eiq pro omnino conformibus habet in capite Christo, de qua Justificatione Apostolus supra, cap. 3. & 4. & 5. multis disputavit. Altera est de qu… Rom 6. 13. Ephes. 4. 24. 1 Joh. 3. 7. qua nos Deus per Regenerationem in nobis etiam ipsis legi ex parte conformatos, ex parte nunc Justificat, & indies Justificat magis ac magis, prout incrementum capit Regeneratio, ac Justificabit plenè, ubi perfectio advenerit: de qua Justificatione agitur Jac. 2. 21, 24. Apoc. 22. 11. Mat. 12 37. 1 Reg. 8. 32. Hanc Justificationem opera legis …ngrediuntur: immo sola eam constituunt: Ʋt primam constituit sola fides, id est Justitia Christi fide imputata, non opera: sic alteram constituunt opera, non fides. Nec tamen propterea ea est ex lege, sed ex gratia. Non enim eam lex admittit ex authoritate potestatis suae, quae nihil nisi perfectè sanctum laudare potest, sed ex authoritate Gratiae Christi, cui nunc ancillatur lex; & cujus Jussu imperfecta etiam fidelium opera laudat, probat, & pro conformibus sibi habet; quam gratiam fide quidem amplectimur, istâ{que} fide prompti at{que} alacres reddimur, ut Justitiae legi operam demus: Non tamen proprie sides, sed opera secundam istam Justitiam constituunt.
Duplex ergo est Justificatio. Ʋna qua in nobis ipsis peccatores, Justificamur coram Deo extra nos. Altera qua Justificati jam coram Deo extra nos, Justificamur coram ipso in nobis. Harum prima est causa secundae: Secund… e…fectus & demonstratio primae. Prima fide, altera operibus peragitur. Ʋtra{que} concurrere debet ut Justificatio legis in nobis compleatur. Annon… ergo, inquies, Justificatio quaedam est ex lege, si est ex operibus legis? Non est inquam. Quia opera de quibus agimus, etsi sint legis, quoad normam quam sequuntur, quodve à lege sint praescripta; ratione tamen originis & virtutis undè proficiscuntur, non sunt legis, sed Gratiae & spiritus. Potissimum autem quia ex lege Justificari dicuntur qui ex operibus tanquam ex impleta faederis conditione Justificantur; quod tum demum fit ubi opera omnimoda perfectione legi respondent. Tum enim lex hominem Justificat, sicut maritus uxorē quae nunquam ipsi fidem violavit: ut enim ex jure conjugali proficiscitur ista uxoris Justificatio; ita ex simili Jure, quod in faedere operum Deus inter legem suam & hominem constituit, proficiscitur hominis illius Justificatio, qui inviolatam legi fidem servavit, &c.
Agamus plenius de hac altera Justificationis specie. Est e… qua nos Deus ex regeneratione nobis data, sincer{que} fidei operibus quae edidimus, absolvit à crimine hypocriseos, profanitatis at{que} impietatis, nos{que} non amplius habet pro mortuis in peccatis, servis Diaboli & filiis mundi, sed pro verè fidelibus, suis filiis, ad imaginem suam restauratis, vita sua donatis, in{que} regnum suum translatis: quod Dei judicium lex quo{que} approbat: Non quod satisfactum sibi operibus nostris existimet, sed quia dominio suo orbata, Christo{que} domino nostro subjecta, non potest, non laudare opera quae ex fide in Christum spiritu{que} ejus proficiscuntur, ea{que} etsi imperfecta, pro vera Justitia habere, eos{que} pro verè Justis, gratis{que} Deo filiis, qui ea patrant. Disquiratur hic, quandoquidem Scriptura utram{que} de qua egimus Iustitiam crebro & aperte nobis tribuit, ac propterea utrius{que} ratione Iustis non apud homines solum, sed apud Deum Censendi sumus; …n…on, quo sensu Iustificari ex operibus dicimur, Jac. 2. & Iustificandi ex sermonibu…, Mat 12. codem imputari nobis opera in Iustitiam dici possint? Non uti{que} prout fides imputatur in Iustitiam; Sed sicut factum Phineazi imputatum ipsi dicitur in Iustitiam, Ps. 106. 31. Alia enim est imputatio in Iustitiam, qua, quam Christus pro nobis praestit… obedient…a, habetur tanquam nostra, inde{que} nos injusti ac peccatores absolvimur ab irat▪ Dei vindicta▪ …bi sola fides amp…ectens istam …bedientiam imputatur in Iustitiam. Alia est imputatio Iustitiae quâ à nobis, per fidem Iustificatis & spiritu S. regenitis, proficiscuntur pietatis opera, quae etsi imperfecta, merito{que} culpanda ac rejicienda, habentur tamen à Deo per gratiam propter Christum tanquam bona, Sancta, & Iusta, inde{que} absolvimur à criminatione nequitiae & fradulentiae, comparati{que} cum impiis ac profanis, Justificamur tanquam probi. Hic opera etiam imputantur in Justitiam.—Hinc porro nascuntur haec discrimina. Quod fidei imputati… est in Justitiam perfectam, talem qualis est obedientia Christi. Operum imputatio in imperfectam qualia sunt ipsa opera in hac vita. In illa satisfit rigori legis. In hac lex facta instrumentum Gratiae foreign, sese{que} accommodat nobis. Illa imputatio causa est remissionis peccatorum, haec non item: quippe quae peccatis non ante remissis locum non haberet. In illa absolvitur peccator à reatu: In hac discernitur pius ab impio—Hic tanquam pius, quem interimpios viventē, cum{que} aliis aliquando coram tribunali Dei compariturū, exoper…bus pietatis pronunciat & pronunciabit haerede sui regni. Mat. 25. 34, 35. In illa judiciū fert Deu… de pretio sanguinis f…li▪ sui, quant…m id pro nobis val…at apud s…. In h…c judicium fert de collato nobis regenerationis dono, cujusmodi nempe nos eo nomine habeat.—
Prima in remissione peccatorum per imputatam Christi obedientiam (consistit) Altera in Judicio Dei, quo dissimulatis propter Christum operum nostrorum defectibus, habet ea tanquam justa, & legi suae conformia, nos{que} inde piè Justos pronunciat. Secundum dictum, 1 Joh. 3. 7. Qui facit Justitiam justus est. Cuju… secundae justificationis fundamentum est quidem Justitia nobis inhaerens, verum non vi dignitatis suae, aut proportionatae ad justam Dei legem Sanctitatis, sed vi imputatae Christi Iustitiae, ex qua fluit, & cujus gratia tota nititur.—Asserit Apostolus, 1 Cor. 6. 9, 10 ne{que} injustos, ne{que} scortatores, ne{que} Idololatras, ne{que} maechos, ne{que} molles, ne{que} qui cum masculis concumbunt, ne{que} fures, ne{que} avaros, ne{que} ebriosos, ne{que} convitiatores, ne{que} rapaces, regni Dei haeredes futuros; ab his ergo criminibus Justificari, id est, insontes pronunciari necesse est Christianos si salvi futuri sint. At{que} id …am factum affirmat Apostolus, Eratis inquit enim, haec quidam: Sed abluti estis, id est mundati ab istis sordibus: Sed sanctificati estis; id est, separati ab ejusmodi immunditionibus; Sed justificati estis, id est, insontes habemini, ne rei amplius istorum criminum agi possitis: id{que} in nomine Domini Jesu & per spiritum Dei nostri. De secunda Justificatione id intelligo, qua qui antea criminibus istis tenebantur, nunc regeniti in nomine Christi & per spiritum Dei, accusari amplius eorum non poterant, sed absolvi inde debebant. Id ipsum est quod Apostolus supra dixit, Rom. 6. 7. Qui mortuus est foreign, Justificatus est à peccato: id est, ita ab eo liberatus ut accusari ampliu… tanquam servus peccati non possit, quippe qui non ut amicus sed ut Osor peccati est habendus. Ʋbi rursus notandum, primam Iustificationē esse à peccatis quorum sumus rei: secundum ve…b iis quo…um non sumus rei▪ Quumquis …atū commisit, reus …, ne… …stificatur inde, id est, non abs…itur ab ejus reatu, nis… per Remission…m peccatorum, quae est ex …ola fide. Sed do ti… …ominem regenitum▪ qui cum ante R…generationem fuerit ebriosus, scortatur, &c. à tempore regenerationis destitit, ab istis peccatis: Is uti{que} eo ipso quod destitit, accusari eorum non potest ut ante. Iustificatus ita{que} est ab illis, id est, absolutus à non perpetratis: & haec Iustificatio revera est ex operibus: Quia enim sobrie & caste vixit, Iustificari omnino debet ab ebrietate & scortatione.—Ad secundam hanc Iustificationis speciem pertinet, quae Iustificatio causae vocari in scholis solet: ut David, Job, &c.—Eodem modo se adhuc res habet cum omnibus fidelibus. Quandoquidem enim Diabolus dicitur esse accusator fratrum accusans eos apud Deum dies ac noctes, Apoc. 12. 10. nec apud Deum tantum sed & in nostrismet saepe Conscientiis, quas hypocriseos suspitione labefactat, non raro & concutit, quasi minus sincera, immo simulata mente fidem pietatem{que} profiteremur, absolvi sanè ab hac Accusatione, & Iustificari à falso hoc testimonio opus habemus apud Deum: Quod aliud sanè est quàm Absolvi & Iustificari à reatu omnium nostrorum peccatorum quo obstricti sumus irae, justo{que} Dei Iudici…. Hoc primae est Iustificationis, & tantum fide peragitur in Christum; alterum est secundae, subsidium{que} p…tit ab operibus.
IDem in Jac. 2. 24. Videtis ergo ex operibus Justificari hominem, & non ex fide tantum. Facilè hic locus co…ciliatur cum iis quae Paulus passim contra videtur disputare, si statuamus, quod est verissimum, Apostolum Iacobum non agere hic de una sola …ustificatione, quae partim fide, partim eperibus peragatur; Sed de duabus distinctis, quarum prior ex fide, & fide tantum, altera ex operibus est. Quum duplex instituatur Accusatio in fideles, una à Deo, lege & Conscientia, à quibus verè peccatorum multorum rei aguntur: altera à Diabolo & Improbis, à quibus falso hypocriseos, mercenarii animi, impietatis, ac nefariorum rei perhibentur; duplex requiritur Justificatio; una qua in se verè peccatores absolvuntur gratuitò propter Christum, à Reatu suorum peccatorum, quae Iustificatio sola ex fide est sine operibus. Altera qua ut verè sanctificati & regenerati absolvuntur à falsis illis Diaboli & improborum criminationibus: quae Iustificatio petitur ex operibus. Iacobus urget utramque esse conjungendam, adeoque non Iustificari hominem ex side tantum, sed & ex operibus: id est, non sufficere ut Iustificetur ex fide à peccatis quae commisit, sed requiri porro ut Iustificetur etiam ex operibus à peccatis quorum falsò accusatur, & à quibus per Regenerationem immunis est.