Vindication of Ecclesiastical Volume 3, Volume 2 · Book · Chapter 1 · Document 32 – Document 33
DOmino Papae ſalutem. De beneficiis immenſae pietatis veſtrae multimodis quibusClauſ. 8. H. 3. m. 27. dorſ. ſuffragantibus de nubilo reducimur in ſerenum, ſupra regna conſtituti quae merito veſtra ſunt, ſed ex hoc maxime, quod tranſmiſſis in Angliam Sanctitatis veſtrae literis liberam nos miniſtrationem Caſtrorum et rerum noſtrarum voluiſtis, paternitati veſtrae, quas et quales poſſumus ad effuſas aſſurgimus gratiarum Actiones eidem, quae de nobis et ſtatu regni noſtri ſemper ſollicita eſt, pro certo referentes, poſtquam de pace nobis & terrae noſtrae reddita gaviſi ſumus, nunquam majorem ſpem concepimus de proſperitate & melioratione ſtatus noſtri & Regni noſtri quem venerabilis & dilectus nobis in Chriſto Pater Cantuarienſis Archiepiſcopus, una cum Dunholm. Epiſcopo Cancellario noſtro & Coepiſcopis ſuis, & ceteris Angl…ae praelatis adhibita circa nos, & agenda noſtra vigilant cura, Aſſistente ſemper Lateri noſtro potenter & patenter in omni fidelitate Dilectiſſimo nobis H. de Burgo Juſticiario noſtro, cum caeteris fidelibus noſtris quos inferius nominabimus, proſperum efficere & tranquillum. Set cum non dormiat ille qui pacifica ſemper Corda turbare nititur, ſi qua ex parte quorundam ex magnatibus ſimulantium ſe velle negotia noſtra promovere, ſicut vobis poterunt, ſi placet, praeſentium bajuli plenius enarrare, vobis ſuggeſta fuerint nimis audacter hiis contraria, inania et fide minus digna reputare velitis, quoniam cum multorum diverſa ſit plreumque voluntas non omnibus omnia quae circa nos verſantur ſunt accepta, ſi quid autem contradictionis emerſum fuerit, quod abſit, in Regno noſtro facile ſedare poterimus propitiante Domino, ex memorati Domini Cantuarienſis Archiepiſcopi Coepiſcoporumque ejus, nec non et Iuſtic. noſtri et aliorum nobis aſſiſtentium Conſilio et auxilio. Petimus igitur a ſancta Paternitate veſtra quatenus Nuncios noſtros videlicet, dilectos & fideles noſtros Magiſtrum Stephanum de Lucy, & G. de Crancumb, qui vos plenius inſtruere poterunt de ſtatu noſtro, & Regni veſtri, benigne audiatis, & negotia noſtra quae ipſi vobis exponent expedire, velitis. Diligentiam Domini Cantuarienſis & coepiſcoporum eius agen…is noſtris expediendis appoſitum propenſius habentes Commendatum, dantes eis in mandatis, ut nobis aſſiſtant, rebelleſque nobis et adverſantes per Cenſuram Eccleſiaſticam appellatione remota Compeſcant: ſcribere etiam velitis▪ H. de Burgo Juſtic. Ws Com. Sarr. Com. W. Marr. Com. Warren. Com. de Ferrariis Com. W. de Mandevill, Com. H. le Bigod, Com. H. de Warwick, Comiti Hereford, Comiti Arundel, Roberto filio Walteri, Roberto de Ros, Galfrido de Say, W. de Bello Campo. W. de Albin, Waltero de Clifford, Rogero de Clifford, Thomae de Muleton, H. de Vivon, firmiter iniungentes, ut agenda noſtra ſolita diligentia promoveant, et nobis ſemper viriliter aſſiſtant, quos etiam de inceptis diligentiae et fidelitatis ſuae laudabilibus commendare velitis. Scribere etiam velitis certis perſonis (à) nunciis noſtris vobis nominandis, quod ſi quid in animo conceperint contra nos, vel Iuſticiarium noſtrum, vel alios de noſtris qui nobis aſſiſtant, a propoſito tali reſiliant et nobis firmiter adhaereant. Alioquin juxta providentiam veſtram compeſcantur. Ut autem hiis quae vobis ſcribimus major fides adhibeatur, Paternitati veſtrae notum facimus, quod literae praeſentes a voluntate & praecepto noſtro emanaverunt, & in praeſentia noſtra confectae & ſigillatae fuerunt. Plura autem poſuimus in ore dictorum Nunciorum vobis exponenda, quae ſi placet ſolita benignitate velitis exaudire, quae quidem propter marium pericula ſcripto noluimus commendare. Teſte meipſo apud London xix. Die Decembris coram H. de Burg. Juſticiario, & Bath. & Sarr. Epiſcopis.
The like Letter (with little variation) to the ſame effect, he then ſent to Gualo formerly the Popes Legat in England.
DOmino Gual. ſalutem. De multiplici & ſolito ſuffragio veſtro quo de NubiloClauſ. 8 Hen. 3. m. 27. dorſ. reducimur in ſerenum, in multis promoti, quas & quales poſſimus vobis effundimus gratiarum Actiones, dilectioni veſtrae pro certo referentes, quod poſtquam de pace nobis & terrae noſtrae reddita gaviſi ſumus, nunquam Majorem ſpein concepimus de tranquillitate & melioratione ſtatus noſtri & regni noſtri, quem venerabilis & dilectus nobis in Chriſto Pater, Cantuarienſis Archiepiſcopus, una cum Dunbolm Cancellario noſtro, & Coepiſcopis ſuis, & caeteris Angliae praelatis, aſſiſtente ſemper lateri noſtro potenter & patenter in omni fidelitate, H. de Burgo Juſticiario noſtro, cum ceteris fidelibus noſtris, proſperum effecit & tranquillum. Set cum non dormiat ille qui pacifica corda turbare nititur, ſupplicavimus Domino Papae, ut ſi qua ex parte quorundam ex Magnatibus noſtris ſimulancium ſe velle negotia noſtra promovere ſicut preſentium bajuli, ſibi poterunt, & vobis ſi placet plenius enarrare, auribus Domini Papae †Si ſuggeſta.ſuggeſta fuerint hiis contraria inania & fide minus digna velit reputari, quoniam cum multorum diverſa ſit plerunque voluntas, non omnibus omnia quae circa nos geruntur, ſunt accepta; ſi quid autem contradictionis emerſum fuerit, quod abſit, in Regno noſtro, facile ſedare poterimus propitiante Domino ex memorati Domini Cantuarienſis Archiepiſcopi, Coepiſcoporum ejus, nec non & Juſticiarii noſtri & aliorum fidelium noſtrorum nobis aſſiſtentium conſilio & auxilio. Petimus igitur a dilectione veſtra ut Nuncios noſtros videlicet dilectos & fideles noſtros Magiſtrum Stephanum de Lucy, & G. de Crancumb, qui vos plenius inſtruere poterunt, de ſtatu noſtro & regni noſtri, benigne audire & in conſpectum Domini Papae ſolita pro nobis facta interceſſione reddere velitis expeditos; efficientes, ſi placet, quod diligentiam Domini Cantuarienſis & Coepiſcoporum ejus, Juſtic▪ etiam, & fidelium noſtrorum ſpecialius nobis aſſiſtentium, quod vobis expreſſius nominabunt praeſentes Nuncii, circa nos appoſitum ut praediximus, habeat Dominus Papa Commendatum, iſtis ut ſpirituali gladio rebelles nobis, appellatione remota, compeſcant, ut ſecundum vires temporales nobis fideliter et potenter obſequendo laudabilibus inceptis ſuis firmiter inſiſtant: ſcribi etiam impetretis a Domino Papa certis perſonis & *Inimicis.nunciis noſtris nominandis, quod ſi quid in animo conceperint contra nos vel Iuſticiarium noſtrum, vel alios de noſtris qui nobis aſſiſtunt, a propoſito tali reſiliant, et nobis firmiter adhaereant, alioquin juxta prudentiam Domini Papae et veſtram compeſcantur: Ut autem hiis quae vobis ſcribimus Major fides adhibeatur Paternitati veſtrae nobis dilectae notum facimus quod tam praeſentes literae quam aliae Literae noſtrae Domino Papae directae, a conſcientia & praecepto noſtro emanarunt & in praeſentia noſtra confectae & ſigillatae fuerunt. Teſte meipſo apud London. Decimo Nono die Decembris coram H. de Burgo juſtic▪ & Bath & Sarr. Epiſcopis.
The effect of theſe Letters concerning the Kings Lands and Caſtles, is thus related by Mat. Paris.